Bamanyishi ba malu a dikebulula ba bungi bu mudi Israel Mutombo, mulombodi munene wa tshisanji tshia BUSOLO, bakamba mu bikandakanda ne: kudi malu adibu bamune ne kudi diapakana mu mudimu wa dibueja mâyi mu misoko ya ditunga dia Congo. Badi batela mena a balombodi ba bungi ba mbulamatadi, nangananga dia Nicolas KAZADI, ministre wa malu a mpetu, badi bamba ne bujitu bua mpetu budi bujimina budi pa makaya ede yeye. Mudiakula diabu badi bakula bua miliyo ya dolare ya mu États-Unis.
Bua bualu ebu budi buenzeka mu miaba yonso ya mu ditunga dia RDC, mumanyishi wa malu a dikebulula Mills TSHIBANGU wakalongolola muyuki wa patoke mu Ditanu dia 19 dia ngondo muinayi eu bua kuela mpata ku malu a dishima adi Israel MUTOMBO ne tshisumbu tshiende babanda kabayi bafila bijadiki bilelela bua kumanyisha bantu badibu babikila ne mushinga eu.
Ku ntuadijilu, Mills TSHIBANGU wakaleja mushindu wakadiye mubikile bena tshibejibeji ba mu Kinshasa « bua kuteta bua kumvuija amue malu adibu bambe mu bikandakanda adi atangila tshipungidi tshivua mbulamatadi wa ditunga dia Congo muangate ne kumpanyi wa Mike KASENGA« .
Udi wamba kabidi ne: « Kudi bafundi ba mikanda badi badiamba mudibu bafundi ba malu a dikebulula badi balua ku televizion ne ku Enternete bua kuamba malu. Bu mundi mumanyishi wa malu a dikebulula, ndi mulue bua kunulondela malu a dikebulula dianyi adibu bajadike, ne ndi mulue bua kuakula »
Mills TSHIBANGU udi wamba ne: « Bana betu bavua balue mu bikandakanda bavua bashima bena mu ditunga dia Congo mu mishindu yonso. »
Bua malu adibu bambe bua mushinga wa bintu bivuabu bibueja mâyi, M. TSHIBANGU udi wamba ne: « Bukokeshi, ku diambuluisha dia Direction Générale de Contrôle des marchés publics (DGCMP), buakapesha bantu dianyisha dia pa buadi ne dimanyisha dia dibenga kuela mpata kumpala kua kubapesha mudimu eu. Bamanyi ba malu a tshididi ba mu ditunga dia Congo bakaya bua kumanya bungi bua makuta avuabu bafuta. Ndi mua kuitaba malu adi bamanyi ba malu a mbulamatadi bamba anyi ndi mua kuitaba malu adi muena dishima udiamba mudiye mumanyishi wa malu adi enzeka mu ditunga adi wamba?‘ udi udiebeja.
Bilondeshile malu atuvua bapete, ministre Nicolas KAZADI uvuabu bakuile mu tshilumbu etshi uvua ukeba bua kukepesha mushinga wa tshipungidi etshi ne 34% ne kuvudija bungi bua miaba ya kutonkonona mâyi kumbukila ku 1000 kufika ku 1400.
Kadi bilondeshile mukanda wa mbulamatadi wa ministre wa malu a misoko ne a bimenga udi Mills TSHIBANGU mubale, bakitaba bua kuibaka miaba ya kuibakila, ne miaba 126 ya kuibaka ivuabu balongolole 222 ivuabu ne bua kuenza mudimu.
Bua malu onso a dishima aa, mumanyishi Mills TSHIBANGU wakafila mukenji mukole kudi bamanyishi ba malu a dikebulula ne: « Tunemeke bamfumu ne tuambuluishayi malu adi mulombodi wa ditunga wenza. Tulongolole malu ne tuele meji, kadi tulekele kudishima, bualu patudi tuenza nanku tudi tuambuluisha ditunga dia Rwanda ne Nanga badi basungule buntomboji », ke mudiye muambe.
Mushala kumanya ne Mufundi wa malu a dikebulula Mills TSHIBANGU udi wamba ne: muena mudimu nende Israël Mutombo kavua mubale mukanda wa dikonkonona to. Ni Wakalomba bamanyishi bonso ba malu a dikebulula bua bumanya bimpe malu adibu bafunda ne bua kuakula bibi bua malu adibu bafunde mu mikanda ya mbulamatadi.
Udi usakidila ne: tshipatshila tshia mbulamatadi wa ditunga dia Congo ku diambuluisha dia tshipungidi etshi tshivua tshia kupesha misoko yonso ya mu ditunga dia RDC kamushinga ka mâyi bua bantu kupetabu mâyi bipepele bua kukumbaja majinga abu manene.
Shekinah Gloire Kabongo
