Tudi diba dia mulolo Matuku makumi abidi ne inayi kunyima kua dimuteka diende, Anthony Nkinzo, Mulombodi mupiamupia wa Kabinete wa Mfumu wa ditunga, wakangata mudimu wende mu Ditanu edi. Tshibilu tshia difila ne diangata bintu tshiakenzeka mu Palais de la Nation, ne Guylain Nyembo uvua kumpala kuende wakalua mulombodi wa Kabadi kakulu uvua ulombola dilongolola dia dikuatshisha bua dikumbana dia malu.
Mu mêyi ende Mulombodi mupiamupia wa Kabinete wakela Mulombodi wa ditunga tuasakidila bua muvuaye mumusungule ne mumuele muoyo:
« Tshiena ngela meji ne: ndi muntu wa pa buende to, kadi nengenze muanyi muonso ». Kunyima kua Guylain Nyembo mumane kumupesha mikanda yonso, wakabela bena Kabinete wa Mfumu wa ditunga bonso bua kuenza mudimu bikole, kuikala ne tshisumi ne didikanda bua kukumbaja tshipatshila tshia ndekelu tshia dikumbana dia mudimu wa bubidi wa Mfumu Tshisekedi.
Anthony Nkinzo Kamole, uvua kale mulombodi munene wa Agence nationale pour la promotion des investissements (ANAPI) mu tshidimu tshia 2017 too ne tshia 2024,
wakaleja kabidi dianyisha diende kudi mulombodi wa kumpala bua mushindu uvuabu bamuakidile ne bua muyuki uvuabu benze mu nzubu ya tshiibi mutantshi mukese kumpala kua tshibilu etshi. Muakuidi munene Guylain Nyembo Mbwizya wakaleja dianyisha diende kudi Mfumu wa ditunga. Ndi ne dianyisha kudi Mfumu wa ditunga bua dieyemena diende ne kabidi lelu bua mudimu udiye mumpeshe. Udi wamba ne:
« Ndi ne disanka dia bungi bua mundi muenzele ditunga mudimu ne bujitu bua bungi nunku ». Guylain Nyembo wakamba ne: « Mvua mukumbane bua kukumbaja mudimu wanyi ku diambuluisha dia Mfumu wa ditunga ne diambuluisha dia Nzambi ne dia bena mudimu nanyi bonso badibu baleje muaba eu, ndi nnuela tuasakidila ne muoyo mujima bua bionso bivuabu bambuluishe mu mudimu eu ».
Shekinah Gloire Kabongo
