Bena mudimu ba iniversite wa malu a ngumu ne a diyukidilangana (UNISIC) badi bambila komite udi ulombola bua kulekela mudimu ne badi bafila mêba 24 bua kumbuka ku nzubu yabu ya midimu.
Bakangata dipangadika edi mu Tshisangilu tshinene tshia pa buatshi tshivua tshienzeke mu dia 6 ngondo wa 8 mu 2024 mu Kinshasa.
Mu mukanda uvuabu bapatula kudi bantu bonso, bena mu iniversite wa UNISIC, bena malu a sianse, bamfumu ba mudimu, bena malu a biamu ne bena mudimu bakaleja muvuabu kabayi basanka bua mushindu udibu balombola iniversite eu lelu.
Badi babanda komite wa dikokesha kudi Mulongeshi Kambayi Bwatshia, udi ulongolola kudi ministre wa dilongesha dibandile ne dilongesha mu iniversite, Mohindo Nzangi, bua dibenga kuandamuna ku malu adibu batele mu tshisangilu tshia kumpala tshia mu dia 19 ngondo muisambombo wa 2024.
nansha muvuabu babambile kumpala kua matuku 14.
Bena mudimu badi bapatula komite udi ulombola mudimu lelu eu, bamubikila ne: « udi ulekela mudimu wende » mu dia 6 ngondo wa 8 wa 2024.
Badi balomba kabidi Ministre wa kumpala wa ditunga, Ministre wa malu a tulasa tubandile ne a iniversite, Ministre wa malu a dilumbuluisha ne Mulombodi wa malu a iniversite bua kuenza malu adi akengela.
Bavua bapeshe kabidi komite wa dilombola malu a iniversite eu mêba 24 bua kupatula bantu mu biro bia iniversite. Padi matuku aa ajika, bena mudimu badi balongolola bua kulekela mudimu. Bena mudimu badi kabidi ne bukenji bua kulumbuluisha bena mu komite wa diendesha midimu bua « dikengesha mudimu bibi » ne « kubutula bintu bia mudimu ku bukole ».
Kabidi, bena mu tshibambalu etshi badi balomba ne dîyi dikole Mulombodi munene wa malu a mpetu, Kabadi kakulu ka bakokeshi ne Kasumbu kaludiki bua kulondolola malu onso a mu iniversite eu ne lukasa luonso. Mêyi aa adi afumina mu tshikondo tshidi UNISIC mu ditanaji dinene, bilondeshile bena mudimu bende.
Bamfumu ba iniversite badi bamba ne: bavua bakonkonone mishindu yonso ya kuyukila ne bantu kumpala kua kuangata dipangadika edi. Mpindieu, malu adi UNISIC mua kuenza mu matuku atshilualua adi atangila malu adi mbulamatadi ne komite udi ulombola UNISIC mua kuenza.
Tudi batekemene bua kuandamuna lukasa lukasa bua kuepuka disama dia mubidi dijima dia bulongolodi ebu.
Shekinah gloire Kabongo
