Mu tshisangilu tshia dikumi ni umue tshia balombodi ba mbulamatadi, Guy Loando Mboyo, ministre udi utangila malu a dilongolola dia buloba, wakaleja tshipatshila tshinene bua matuku atshilualua a ditunga dia Congo wa mungalata . Mudimu eu udi ne tshipatshila tshia kuakaja mushindu wa dienza malu mu ditunga (GEO RDC) ne kuenza (GEO-Portal )wa ditunga.
Tshipatshila ntshia kufila mikenji misunguluke bua kulombola malu adi atangila buloba ne bikena-bualu, bua kuakaja malu adi atangila malu a tshididi ne kuakaja bumfumu bua ditunga mu bualu bua mushinga ebu.
Bilondeshele kasumbu ka malu a dimanyishangana mu mbulamatadi eu, mudimu wa Guy Loando kawena anu wa dienza mudimu ne biamu bia buloba to. Udi kabidi ulomba bua kulengeja programe wa dienza malu a mu musoko mu bitupa 145 (PDL145T) ku diambuluisha dia mushindu mulongolola bimpe udi usangisha malu a mu buloba ne a mu nsombelu popamue ne a mpetu.
Mushindu eu udi ukeba bua kuakaja nsombelu wa muaba eu ku diambuluisha dia programe muimpe udi muakanyine nsombelu wa muaba au.
Wakumvuija kabidi miaba mishilashilangane ivuabu mua kufila makuta bua mudimu eu, kusangisha ne makuta a mu ditunga. Wakaleja mudi mbulamatadi mudisuike bua kuibaka matuku atshilualua a ditalala ne a bubanji bua bena Congo bonso.
Muleja ne « Dilongolola miaba ya kusombela ke nshindamenu wa dikumbana dia malu makane, a nkatshinkatshi ne a kashidi ». Panyima pa diyukidilangana dimpe, mbulamatadi wakitaba tshivua Guy Loando mulongolole.
Dipangadika edi didi dileja bualu bua mushinga budi butangila dikokesha dia ditunga dia Congo dia malu a buloba. Dipangadika edi didi dipetangana ne dijinga dia mbulamatadi dia kuakaja bukole bua ditunga ne kujadika ne: bantu bonso badi mua kupeta nsombelu muimpe, ne wa kashidi.
Gloire Kabongo
