Mu tshisangilu tshinene tshia dikumi ne umue tshia Kabadi ka balombodi ba Mbulamatadi tshivua tshienzeka mu diamatuku makumi n’isatu tshidimu tshia 2024, tshivua kubulombodi bua Mfumu wa ditunga Félix Antoine TSHISEKEDI TSHILOMBO.
mbulamatadi wakangata mapangadika a dikuatshisha bena mudimu ne bantu ba mu provense ivua mvita mienzeke Kudi bena Rwanda, bilondeshile dilomba dia ministre wa malu a mpetu, S.E.M. Doudou FWAMBA.
Bionso ebi bivua bienzeke mu tshisangilu tshia pa buatshi tshia Komite wa malu a bitadi tshivua tshienzeke mu dia matuku makuni abidi ngondo wa Tshimungu wa mashika tshidimu tshia 2024. Bipatshila biawu bidi nangananga bua kupepeja bujitu bua bitadi, malu a mbulamatadi ne malu adi amueneka bu a bitadi bua bena mudimu badi benza mudimu mu provense ya Nord-Kivu ne Ituri, ne mu provense ya Sud-Kivu, Maniema ne Grande Orientale.
Mu malu adibu balongolole bua kuenza mu ngondo 12 eyi mudi:
1. Kuimanyika midimu ya dikonkonona malu a mu ditunga ne a mu provense;
2. Mushindu wa kufuta bitadi bilondeshele mikenji ya mbulamatadi;
3. Dienza mudimu ne mikanda idi kayiyi mikumbane anyi ya tshitupa tshîpi bua kulengeja bintu bidibu balua nabi bua kuambuluisha bantu.
Malu aa neakepeshe bikole bujitu budi bena mudimu bapeta bua kuenza mudimu, ne neabapeshe mushindu wa kuikalabu batantamena dikokangana ne bakuabu ne kuikala ne makuta makumbane adi akengedibua bua kutantamena nsombelu mubi udiku lelu.
Muena mudimu wa malu a mpetu wakaleja kabidi dijinga dia kudisangisha kumpala ne provense ivua ntatu ya tshinyangu bua kuangata amue mapangadika makuabu.
Kabidi, mukanda wa dipangadika udi utangila dikoka dia bitadi ne ne malu a mbulamatadi bua provense eyi kubu jadika bua mbulamatadi.
Kunyima kua dikonkonona, malu aa akangata dipangadika dia Kabadi ka Balombodi, dileja dijinga dikole dia mbulamatadi dia kuambuluisha provense idi ne lutatu ne kukolesha bukole bua malu a mpetu a ditunga.
Gloire Kabongo
