Patrick Muyaya, wakaya mu tshibilu tshia ndekelu tshia « Miss Univers » mu ditunga dia Congo mu dia 29 ngondo muisambombo ku Pullman Hotel mu Kinshasa.
Tshibilu etshi tshidi tshileja balombodi ba bakaji ba ditunga dia Congo, tshileja mmuenenu muimpe wa ditunga edi. Patrick Muyaya udi muleja ne: mmushindu eu Udi ujadika mushindu wa kushintulula tshimfuanyi tshibi tshia ditunga dia Congo wa mungalata tshidibu batamba kutela ne tshikisu.
» Mvita anyi malu a tshikisu ki mmalu adi aleja tshidi ditunga dia Congo wa mungalata . Dilolo dia lelu, katuena anu tuenza mafesto bua bulengele buetu to, kadi tudi tuenza mafesto bua meji etu. Tudi mua kupeta dilolo edi, ki nganu Ambassadeur umue to, kadi bakaji bonso badi mua kudifila bua bakuabu », ke mudiye muambe.
Mfumu wa ditunga wakatumbisha dikima dia bantu makumi Abidi bavuabu bateke mu mulongo wa ndekelu ne kuela Anado Kabika, mulombodi wa tshisangilu tshia Miss Univers RDC kalumbandi bua bualu ebu.
« Mbuena kuamba ne: bena mu ditunga dia Congo badi badisangisha bua kuleja mudibu ne buobumue, kabena badisangisha anu bua kumona buimpe bua nsongakaji eu to, kadi badi badisangisha bua kufila ngenyi. »
Udi wamba kabidi ne: « muntu yonso wa mu ditunga udi ne bua kuenza mudimu bua kushintulula malu adibu bamba bua ditunga edi ne ‘kulengeja ditunga dietu.’ Mu mpungilu eu, Ulda Amani wa bidimu 15 wakalua Miss. Mu ngondo wa dikumi ne umue, neikale muleji mpala wa ditunga dia RDC mu ditunga dia Mexique. Aurèlie Mwadi (2) uvua muibidi ne Océane Mpundu (17) uvua muisatu.
Muena mudimu Muyaya uvua ne Didier M Pambia, ministre wa dikumbula benyi, ne Jesus Noël Sheke, ministre wa dikumbula benyi wa mu provense.
Bantu bonso bavua banyishe bualu ebu ne bavua bajinga bua Ulda Amani atume mukenji wa ditalala mu mpungilu wa 73 wa Miss Univers mu ngondo wa dikumi ne umue mu 2024 mu Mexique.
Tshikondo atshi, ditunga dia Congo wa mungalata divua mu mpungilu wa Miss Univers Monde panyima pa bidimu 38.
Mu 1985, Benita Kanyonga wakalua wa ndekelu mu tshisumbu tshia ba Miss Monde ne wa 3 mu tshisumbu tshia ba Miss Univers.
Gloire Kabongo
