Mu malu adiye wenza bua kupingaja ditalala ku Est kua ditunga dia Congo Wa mungalata , Mfumu wa ditunga Félix Tshisekedi wakapetangana ni ba-ambassadeur ba ditunga dia Belgique, dia États-Unis ne dia France mu tshimenga tshia Union africaine. Mu malu avuabu bayukile, bavua bakule bikole bua mushindu wa kuipata nsombelu mubi wa bukubi ne wa diambuluishangana udi mu tshitupa etshi tshia Est Wa ditunga dia Congo
« Tudi tuyukila ne Mfumu wa ditunga bua malu mashilashilangane, kumpala kua bionso bua nsombelu wa bukubi ku Est, muaba ungakadisangisha mu tshimenga tshia Goma matuku mashale aa. Mvua anu mu Bunia too ne mu dinda edi », ke muvua Roxane De Bilderling, Ambassadeur wa ditunga dia Belgique muambe.
Mu malu a manunganyi ne a bukubi, wakaleja ne: ditunga diende didi dienza kasumbu ka dienza malu ne lukasa.
Lucy Tamlyn, muambasadere wa ditunga dia États-Unis wakamba ne: « Ngakajadika kabidi dipangadika dietu dia kuenza mudimu pamue ne mbulamatadi wa mamu wa kumpala ne bantu ba mu ditunga dia Congo bua kukolesha malanda a pankatshi pa États-Unis ne ditunga dia RDC mu malu onso, ne bua kufila dikuatshisha dietu bua kujikija bilumbu bia ditalala mu ditunga dia RDC ».
Ndekelu wa bionso, Bruno Aubert, mulombodi wa ditunga dia France, wakaleja ne: muyuki wabu uvua utangila « malu manene a mudimu wa dibaka adibu benze katshia mu dikumbula dia mfumu Emmanuel Macron mu Kinshasa tshidimu tshishale ne mu dikumbana dia luendu lua mfumu Tshisekedi mu tshimenga tshia Paris mu matuku adi alua ».
Tudi ne bua kumanya ne: diyukidilangana edi didi dienzeka mu tshipatshila tshia kukolesha buobumue pankatshi pa ditunga dia RDC ne matunga makuabu bua kupeta mushindu wa kujikija lutatu lua malu a bukubi ludibu nalu ku Est kua ditunga. Tshisekedi wakaleja kabidi muvuaye mudisuike bua kupingaja ditalala ne ditalala mu tshitupa etshi tshia ditunga.
Shekinah Gloire Kabongo
