RDC -ONU:
Dikumbula dia bena kasumbu ka bukubi ka matunga masanga mu ditunga dia congo dijika lelu Wa dia lumingu .
Lelu wa dia lumingu dia matuku dikumi ni ibidi ngondo muisatu ewu , bana betu aba bakafika mu tshimenga tshia Goma bua kujikija luendu luabu lua matuku anayi mu ditunga dia Congo Wa mungalata .
Panyima pa bamane kuteleja ne bamane kuakula bua nsombelu mubi wa malu a bukubi ne a bukua bantu ku est kua ditunga dia Congo, bamfumu babidi aba ne baleji mpala ba Gabon ne ba France benza muyuki munene ne bamanyishi anyi ba kamuna kamba mu tshimenga tshia Goma.
Pa bidi bitangila mvita ya tshiluilu tshia ditunga dia Rwanda mu ditunga dia Congo pamue ne kasumbu ka bena tshinyangu ka M23, mumanyishi wa ditunga dia France ku ONU wakamba ne: tshilumbu etshi tshidi ntshianji kukonkonona Kasumbu ka bukubi bua matunga masanga.
Mbimueneke patoke ne: kudi malu adi afumina kudi ditunga dia Rwanda mu Nord-Kivu, bualu budi kabuyi mua kuanyishibua nasha », ke muvua Nicolas de Rivière muleje.
« Tudi ne bua kuambuluisha ditunga dia République démocratique du Congo bua kutantamena lutatu lua bukua bantu ludi lufumina ku dikuatshisha dia Angola »
Muambi wa ditunga dia Gabon Michel-Xavier Biang udi ngela meji ne: ditunga dia Gabon didi ne bubanji bua bungi.
Malu makuabu avuabu bakonkonone bumudi : ditanta dia tshitupa etshi, masungula adi alua mu ditunga dia Congo ne malu adi enza bua tshipungidi tshia mu Addis Abeba, tshidi mulombodi wa ditunga dia Gabon muambe ne: ntshijadiki tshidi ne bua kulombola bantu ba pa buloba bujima.
*Gloire Kabongo*
