Mu dimanyisha diakapatulabu mu dia matuku umue ngondo muisambombo eu, bukole bua bimvundu bia bena musoko budi bulomba bua kuimanyika kukonkonona mukenji wa diabanya dia miaba bua kuanji kuibaka diumvuangana pa tshilumbu tshia disungula, ne pa malu onso.
Bilondeshile bimvundu ebi, bidi bikengela ne lukasa luonso bua bakokeshi ba ditunga dia Congo ne ba CENI badikokeshe bua kuepuka lutatu lukuabu lua tshididi padi nsombelu wa bukubi, wa malu a mpetu ne wa nsombelu wa bantu ba bungi mu ditunga dia Congo kayi mua kutantamena.
Bua bualu ebu, badi balomba bisumbu bia ditunga dia Congo (parlema, mbulamatadi, mulombodi wa ditunga ne CENI) bua muntu yonso udi umutangila:
* Kuimanyika kukonkonona mukenji wa dibanya dia nkuasa;
* Kuimanyika lukasa lukasa dikandika dia bimvundu bia baluishi;
* kuimanyika ne lukasa luonso tshisumbu tshia basalayi ba mu bimenga tshidibu babikila ne: « bukole bua dienda kumpala » badi bela meji ne: badi baluisha bantu badi kabayi basalayi, nangananga baluishi;
* kulekela diakamue ne kakuyi mikalu bena tshididi bonso badibu bakuate mu mushindu mubi ne bakuate bua diakula diabu;
* Kulekela diakamue ne kakuyi mikalu muena lukuna Salomon Idi Kalonda ne bena lukuna bakuabu ba tshididi;
* kudi bisumbu bia tshididi bua kulongesha bantu babu bua kuikala mu buobumue bua ditunga, dinanga dia ditunga ne kubenga tshikisu…
Bu mudi bukole bua bimvundu bia bena ditunga bidi bifunda mu mukanda eu: LUCHA, FILIMBI, CONGOLAIS DEBOUT, MOVEMENT JUSTICE EN ACTION, MCCP, LES INDIENS, PATRIOTISME OBLIGÉ, DYNAMICS DES JEUNES érudits Congolais, SYNERGIE BILENGE et ON A QUE LE CONGO.
Shekinah Gloire Kabongo
