Bavua bateke mumanyishi mukuabu diende Franck NGYKE bua kukandika tshibejibeji tshiabu mu dinda dia mu Dibidi dia 2 ngondo wa 11 mu 2005.
Tshikondo atshi, mukajende Hélène MPAKA wakaya nende.
Ku minuit 30, babidi aba badi baya mu mashinyi abu a Mercedes 190 a ndundu kunyima kua kujikija difunda dia mikanda, bua kupingana ku nzubu wabu wa dibaka, udi ku njila wa Ngaliema ku numero wa 87, mu musoko wa Mombele mu tshimenga tshia Limete.
Badi bafika muaba udibu baya mu dîba dia 0h30. Franck ne muanende wa bakaji Gracia, udi ne bidimu makumi abidi badi bakangula tshiibi. Mashinyi akimana mu lupangu. Bena dibaka aba badi bapatuka. Mukaji Paka Kangundu wakaya lukasa bua kukanga biibi bia mashinyi, ne bayende uvua mupingane ku tshiibi bua kukanga tshiibi.
Tshikondo etshi, bantu babidi badi bela masashi mu nzubu wa mumanyishi.
Tshingoma etshi tshivua tshibueje buloko mu tshiibi. Bu muvua Franck Ngyke ne buôwa, wakafua mu lungenyi pavua bantu basatu bavua ne bilamba biabu bibueja ku tshina babuele mu lupangu, bakanyingalaja mumanyishi ne mukajende ne biamu biabu.
Franck NGYKE udi ukeba kunyema bua kuya ku tshiibi tshia panyima tshia nzubu wende, kadi umue wa kudibu udi wambila mumanyishi bua kulekela.
Bakamba ne: ‘Tuvua balue bua kunushipa.’
Muena tshikandakanda eu wakafika ku dimona ne: malu onso avua enda bibi bua muoyo wende.
Wakakeba misangu ya bungi bua kupesha benji ba malu mabi makuta a dolare 200 a mu États-Unis avuaye nawu, telefone wende ne mashinyi ende a Mercedes bua kusungila muoyo wende. Mukajende uvua mene mufile bintu biende bia mushinga mukole. Tshivua tshienze anu bu ne: tshivua tshienzeke to.
Muanende wa balume Djoudjou, uvua ne bidimu makumi abidi ni isatu uvua mubishibue ku lubila, wakapatuka bua kumanya tshivua tshienzeke. Baluishi badi baya
Muntu yeye mumukuate, difuma didi mua kumukuma mu tshiadi. Muana wa muanabu ne Franck Ngyke, diende Cloclo Biebie Kangundu, uvua utangila bualu ebu ku dididishi dia nzubu. Wakadikolesha ku muoyo ne wakaya kusungila Djoudjou pa kumuela panyima pa nzubu ne kumuambuluisha bua kubanda ku lupangu lua nzubu bua kunyema.
Mamu Helene uvua mumone ne: malu avua enda bimpe, wakakeba kabidi bua kunyema panyima. Tudi ne bua kumushipa bulobo mu lubadi. Nansha muvuaye ne kanyinganyinga kakole, wakaya ku dididisha dia nzubu wa bana, kutuadijaye kukokola bikole ne kubikila bantu bua bamuambuluishe. Basalayi bavua kabayi ne luse lua Nzambi bakamuela tshingoma tshibidi ku nyima. Ke muaba uvua mukaji wa mumanyishi eu mufue kumpala kua bana bende panyima pa yeye mumane kufua mashi a bungi pa buloba.
Bualu ebu buvua busake Frank ku tshiji tshikole, ne wakatuadija kukokangana bikole ne bashipianganyi.
Bana betu aba ke bavua ne bukole bua bungi ne bakamuela tshingoma tshia kumpala mu misunyi. Bu muvua mumanyishi eu mumanye ne: uvua ne bua kufua, wakateta kabidi bua kupatuka ku tshiibi. Kuena ne bua kuteta to. Muena Kristo udi ne bua kuikala ne meji mimpe.
Mu tshikondo atshi, bana batanu bavua bela mbila ya kulomba diambuluisha bavua mu nzubu, ne bantu bavua babaluisha bavua bamba ne: bavua ne bua kubashipa pabu.
Bakenza bualu ebu nansha muvua muana wa muanabu ne Franck Ngyke muditatshishe bikole bua kuambila bampulushi ba muaba au. Kadi kabivua biambuluishe to.
Bifunda kudi grâce Israëlla KANGUNDU ni bikudimuna mu tshiluba kudi shekinah Gloire Kabongo Wa Kapuku
