Patrick Muyaya ne Julien Paluku bavwa bakwila lufu lwa bena Kongu nkama ibidi makumi mwanda muteketa ne ibidi (272) bashebeya kudi ntomboji ya M23 kuluseka lwa Kishishe, mu tshikosu tsha ngumu ya lumingu tshifila mudimwa dia matuku atanu a ngondu wa dikumi ne mwibidi tshidimu tshidi panshi etshi
Mena momekela mianda ya dikobolola, Patrick Muyaya ne mwenende momekela mianda ya biapu, Julien Paluku bavwa bikala bakwila kabidi dishebeya dia bantu kuluseka lwa Kishishe mu territoire wa Rutshuru.
Patrick Muyaya uvwa mupingana pa nyima pa majita a malu avwa mapitakana mu nsangilu wa ba mena wa mumatuku abidi a ngondu wa dikumi ne mwibidi, bilondesha diakula dia Mfumu wa ditunga pa tshiyongopelu mu dishebeya dia bena Kongu.
Mena momekela mianda ya dikobolola ne mwakwidi wa bukalenga bua ditunga dia Kongu wa mungalata muleja se ba kupesha bokokeshi kudi mena momekela mianda ya nkosa bilumbu mubulongama bwa kwambila juji munene bwa kunzulula difunda mu mwanda wa lufu lwa bantu élu. Popamwa ne bakwatshi ba mudimu ba Monusco, wa kwela kashonyi.
Kupitshila bupidia bwa tshisumbu tsha matunga masanga, Patrick Muyaya wakwambulula bashinyiki ba matunga ababende wa Kongu bwa kwakwila ditshipa dia bantu edi. Ne difunda kabidi dia bulwishi bwela ditunga dia Kongu, budi bwikala bwa mushinga mukole, ne njuwu yadi. Kanwena mwakwikala bashinyiki ba Kongu ne bikala bapuwa mu dishebeya dia bena Kongu, wambi Patrick Muyaya.
Mudiangata dia diyi, Julien Paluku mwikala mumanya biakane plovinse wa Nord-Kivu kupitshila dilombola dienda Ku mutu kwenda bidimu dikumi ne ibidi, uvwa mufila kipatshila ka nvita kuluseka lwa Nord Kivu.
Uleja luse kudi bena Kongu badi batutshibwa kudi bwenzavi bwa ntomboji ya M23, Julien Paluku wakufila kalata ka territoire Rutshuru musangidibwa pangatshi pa ditunga dia Rwanda ne dia Ouganda.
Mulombodi wa kale wa Tshimenga tsha Nord-Kivu uvwa mufila mutshikosu mudiakula dienda, bitupa bisatu: tshitupa tsha nvita, tshitupa tsha biala nyi ndondu mitwe, tshitupa tsha dishebeya. ” Ntomboji ya CNDP midiandamuna M23 utu mikala itangila bantu bwakushipa mukipatshila ka kujikija tshitupa tsha tshisumbu tsha bantu mu mwaba ewu, wa kwela patoka mena momekela mianda ya biapu.
Julien Paluku wakumanyisha se ntomboji kuluseka elu, idi mikala yenzela mushindu wa dishebeya dia bantu bwaku bakepesha. Ngenzelu ewu udi wambulwila dikala dia Tshimenga tsha Kigali.
Rwanda mwikala ukeba kukontolola tshididi, majinda nyi mabanji, wakwela Kashonyi.
Uleja se bantu nkama ibidi makumi mwanda muteketa ne ibidi bakadi bashipe, Julien Paluku udi utwa nyama kumikolu mwanda wa diunzulula dia bukebuludi bwa matunga ababende bwakujadika bashipe ba bena Kongu bobu aba bamona mwa kulubulwishibwa. Kupitshila kikebulula edi, tudi baswa bwase Tubadi twa CPI tukwata bantomboji badi bikala bakwila bashipe bantu mu kongu, ufwa leja.
Tudi tubala kushebeya diabunyi kwa bantu kuluseka lwa Eseta wa ditunga dia Kongu. Mu matuku aha bafwa badi dikumi dia kama ne kama ya binunu (10 millions de morts). Misangu dikumi kupita lufu lwa bena Rwanda. Tudi tubala dishebeya dia bantu kuluseka lwa Makobola, Bunagana, Kasika, Tingi Tingi, Tamugena, Rugari ne lelu, Kishishe.
CH. Kabeya
