Mu matuku anayi a mu ngondo muitanu eu, Komisiona wa disungula (CENI) wakakumbaja matuku muanda mukulu bua dikangula dia bibi bivua bikangula bua bantu badi ne bualu mu malu a disungula akadibu batuadije kumbukila mu dia matuku anayi ngondo eu ku nzubu wa tshibambalu etshi mu nzubu wa tshisangilu wa Abbé Apollinaire Malu Malu, mu dikalaku dia ba senatere ba bungi, bena manême a bantu ne bena tshididi bakuabu ba mu mbulamatadi.
Panyima pa mudimu wa bafundi ba mikanda wa difunda dia bantu avubu batuadije mu dia matuku makumi abidi ni anayi ngondo wa dikumi ne ibidi wa tshidimu etshi ne bavua bajikika mu dia matuku makumi abidi ni itanu ngondo muinayi wa tshidimu etshi, CENI, bilondeshele ku difila dia makuta a bungi mu tshibambalu tshia mbulamatadi, neenze mudimu wa diangula bua kujikija malu onso adi kaayi makumbane adi atangila mukanda wa difunda dia bantu badi kabayi banji kukubanja bidimu bia bobo kusungula, ke muvua mubikidi wa mbulamatadi eu wamba.
Mu tshikondo etshi, bisumbu bia tshididi bivuabu babikile mu komite eu biakangata mudimu wa disukula malu a mu mukanda wa disungula mu matuku muanda mukulu aa a biibi bikangula.
Bilondeshile mulombodi muambuluishi wa CENI, bavua bafunde bantu miliyo 46 mu ditunga dijima dia Congo mu ngondo inayi, ne bavua bangata bantu 142,000 ku mudimu ewu ba mu ditunga dia Congo bakenza mudimu bua kumanya anyi difunda dia bantu ba mu ditunga edi.
Panyima pa diumvuija dia bungi dia malu avuabu bapete ku diambuluisha dia dienza mikanda ya masungula ,kasumbu ka masungu kavua kapita ku tshitupa tshia kunbusha bimue bintu bivua kabiyi bikale bimpe nasha .
Bidi bikengela kujadika ne midimu ya matuku a biibi bidi bikangula bua bantu badi badisangisha mu disungula idi mienze matuku muanda mukulu kumbukila mu dia 4 too ne mu dia 8 ngondo muisambombo bua kukolesha butoke ne ditabuja dia disungula didi CENI Deni Kadima ulomba.
Shekinah Gloire Kabongo
