Tshibambalu tshia malu a mpetu tshia ditunga dia congo tshidi tshimanyisha ne: kudi malu mimpe adi mua kuenzeka mu malu a mpetu. Bungi bua makuta a ditunga dia Congo mu ngondo wa muanda mutekete ne wa muanda mukulu wa tshidimu tshia 2024 mbishilangane ne a mu bidimu bishale ebi.
Bungi bua makuta avua mbulamatadi avua mafike ku miliyare 4 582 ne bungi bua makuta avua mbulamatadi ufuta buvua bufike ku miliyare 4 4180. Bua kufuanyikija, mu 2022 ne mu 2023, tshikondo tshimue atshi bavua bapete bipeta bibi bia mushinga Umue wa ku malu manene avua ministre wa malu a mpetu Doudou Fwamba Likunde Li-Botayi muenze uvua wa kukepesha makuta avuabu bafila bua malu a tshimpitshimpi.
Ku ndekelu kua ngondo wa muanda mukulu, bavua bakose makuta aa ku 12%, mmumue ne: 33% wa makuta onso avua mbulamatadi mufile mu ngondo muibidi mu 2024.
Kuenza nunku kudi kukepesha bungi bua makuta adibu bafila ne kudi kuambuluisha bua kufila makuta bimpe. Katshia mu ngondo muisambombo too ne mu ngondo wa muanda mukulu 2024, makuta a mbulamatadi akafika ku miliyare 6.714 ya CDF, adi aleja bungi bua makuta akapatuka ku ntuadijilu kua tshidimu etshi.
Tshibambalu etshi tshidi tshiamba ne: malu aa adi afumina ku diumvuangana dimpe didi pankatshi pa mbulamatadi ne mbulamatadi wa malu a mpetu ne ku malu mimpe adibu benze bua kuakaja mushindu wa kufuta bitadi.
Bipeta ebi bidi bileja ne: malu adi Tshibambalu tshia malu a mpetu tshienza bua kuakaja mushindu utubu batula makuta a mbulamatadi mmatuadije kupatula bipeta bimpe, bifila ditekemena dimpe bua nsombelu wa malu a mpetu wa ditunga edi.
Kabongo gloire
