Mulombodi wa malu a disangila dia balume ne bakaji, dîku ne bana, Mulombodi Mireille Masangu Bibi Muloko wakayukila mu Ditanu dia dia 27 ngondo muinayi ne tshisumbu tshia bena manême a bantu ba mu Nord-Kivu, bavua balue bua kumuleja ntatu ya bakaji ba mu madimi. Balombodi ba bena Lubero ne ba Beni bakalua kabidi bua kulomba ministre bua abuele mu mudimu wa kukolesha bukenji bua bakaji ba mu madimi, mu malu a lungenyi ne bua kubambuluisha bua kuenza mudimu wabu, bua bamupeshe mushindu wa kuenza mudimu bimpe mu malu a diambuluishangana, ki nganu bua dîku nkayadi to, kadi bua ditunga dijima dia Congo.
« Tuakaya kumutangila bua kumuleja tunyinganyinga tua mukaji wa mu musoko wa ku Nord-Kivu. Mukaji wa mu musoko mmusue kumona mudimu wa ministre mu dimupesha bukole, nangananga mu mushindu wa dimanya ne diambuluisha dia malu adiye wenza, bua yeye kudikumbajila majinga ende, bua yeye kuakula bimpe mu dienda dia dîku diende ne dia ditunga dijima », ke muvua mulombodi wa ditunga dia Nord-Kivu, Sosthène Maombi Katsongo wamba.
Bena mu tshibambalu etshi badi bamba ne: badi bakema bua diandamuna ne malu adi ministre wa malu a mulume ne mukaji, dîku ne bana mulongolole bua kuenza.
« Ndi ne bua kuamba ne: mandamuna ende akatusankisha bikole. Bidi bienze anu bu ne: tuvua pamue mu lungenyi, wakatulaya bua kuenza malu mimpe kupita ne avuabu bamuambile ».
Badi ne disanka dia bungi bua muvua balombodi ba bena ditunga dia Nord-kivu bumbuke mu biro bia Mulumba wabu Mireille Masangu Bibi Muloko, uvua mulue kabidi bua kuleja ministre wa malu a mulume ne mukaji, a dîku ne a bana malu ende mimpe bua dimusungula diende bua kulombola mudimu eu.
Shekinah Gloire Kabongo
