Mulombodi wa malu a disangila, dîku ne bana, Mireille Masangu Bibi Muloko wakenza muyuki muimpe ne Mumanyishi wa UNICEF mu ditunga dia RDC, Grant Philippe LEAITY, mu Dimue dia matuku muanda mukulu ngondo muitanu mu Kabine kende ka mudimu, kadi nushala kumanya buase Diyukidilangana edi divua ditangila dienza mudimu dia bakaji ba mu ditunga dia Congo mu malu a disungula ne dimvuangana dia malu adibu ne bua kuenza pamue mu mudimu udi pankatshi pa ministre wa malu a bantu ne UNICEF.
“Bu muvua ministre mushintuluke, tuvua ne bua kuindila bua kuyukila bua bidi bitangila malu onso atuvua tuenza bua mudimu wetu. Tshilejilu, tshidimu tshishale, tuvua benze mudimu pamue bua kubikila bantu bua kubuela mu tshisangilu tshia bana betu ba bakaji, tshivua tshienzeke ku ndekelu kua ngondo wa dikumi ni umue mu nzubu wa tshilala benyi wa mu musulu. Kudi kabidi tshilumbu tshia mushindu wa disungula dia bantu bakaji, ne dienza dia mikanda ya disungula, bikalaku kakuyi bana, bua disungula dia tshidimu etshi, kudi kabidi bantu bakuabu badi basue kuenza mudimu pamue, bu mudi tshidimu tshishale tuvua bamone dibanjija dia tshisangilu tshia ditunga bua bana ne dia parlement, bivua bua kuakula bua mushindu wa kuya kumpala ne malu aa onso mu njila mupiamupia”.
Mumanyishi wa UNICEF wa mu ditunga dia congo wakanyisha dijinga divuaye nadi bua kuyukila ne bantu aba ne wakangata mpunga eu bua kuanyisha dijadikibua dia Muloko bu mulombodi wa Tshibambalu tshia malu a bantu.
Shekinah Gloire Kabongo
