Mulombodi wa malu a disangila, dîku ne bana, Mulombodi Mireille Masangu Bibi Muloko wakenza muyuki mu Dibidi dia 2 ngondo muitanu mu biro biende ne tshisumbu tshia bantu ba mu komite wa ditunga wa bakaji ne diambuluishangana bavua balue kumuleja malu adi mu mukanda wende wa dimanyisha bua kuluisha dibaka dia bana mu RDC bua bamanyishi aba badi balue kumulombaye. Mushindu eu udi umvuija mushindu udiye wenza malu bilondeshile mmuenenu wa mfumu wa ditunga bua dibaka dia bana mu ditunga dia Congo.
« Ndi musue kumupesha mukanda wetu bua kuluisha dibaka dia bana.
Bu mutudi benze bidimu bikese, tudi tuenza mudimu bua kumbusha dibaka dia bana, tudi tuenza makebulula, muana udi usela ku buana, tshia kumpala, bidi bibenga mikenji ya ditunga dietu ne mikenji mikuabu idi ikokesha ne bidi kabidi binyanga mushindu udi muana umueneka anyi ukola. Nudi mua kumona ne: padi bansonga kabayi badilongolole, padi bansonga bapangila mushindu wa kuenza malu, ndelanganyi yonso idi ipangila mushindu wa kuenza malu ne ditunga didi kadiyi mua kukola to. Ke bualu kayi, ku diambuluisha dia mukanda eu tudi tuenza malu a kulomba bamfumu bua badiangatshile mudimu ne nangananga bua mudimu wa dilombola dia bana, mbuena kuamba ne: mudimu wetu wa dilombola dia bana, ke mudimu udi wambuluisha bana, ke bualu kayi tuvua badiebeja ne: tudi balue bua kuanji kutumbisha Mukelenge wetu ne kumuleja mukanda wetu, bua adiangatshile mudimu, nangananga bualu mu tshisangilu tshia 60 tshia bena ministre, mfumu wa ditunga uvua mushindike bua kuluisha dibaka dia bana. Ke bualu kayi tuvua tufila ngenyi ya mua kusumba ne kutangalaja programe wa ditunga wa diluisha dibaka dia bana ».
Mulombodi wa malu a disangila dia bana, dîku ne bana Mireille Masangu Bibi Muloko wakanyisha mudimu udi komite wa dilonga wa CONAFED wenza bua kuluisha dibaka dia bana ne wakafila mibelu bua mudimu eu wikale ne diakalengele mu ditunga dia République démocratique du Congo.
Shekinah Gloire Kabongo
