Ngamba-malu Patrick Muyaya wakayukila ne Bernard Quintin, Mulombodi wa muambuluishi Wa biro bia bena ku mputu, mu Dibidi dia 4 ngondo wa 7 wa 2023.
Mu malu avuabu bayukila muvua nsombelu wa malu a tshididi udi utungunuka mu ditunga dia Congo; nsombelu wa bikandakanda ne malu a manaya. Pa bidi bitangila mushindu wa disungula, Bernard Quintin udi uleja difila dia mudimu udi mulombodi wa mbulamatadi wenza mu tshikondo tshia mushinga etshi.
Wakamba ne: « Mbikondo bia disungula bidi bituadija kuenzeka ne lukasa, malu onso aa adi ne mushinga kudi ministre wa malu a diumvuangana udi ku mutu kua malu onso aa ».
Mumanyishi wa malu a matunga a ku Mputu eu wakakula kabidi bua mudimu uvua bulongolodi buende buenze mu disungula dia bantu. ‘Bu mudi diambuluisha dia Union Européenne mu tshilumbu etshi, bidi biumvuija tshia kumpala, dikuatshisha dia malu a tshididi ku ntuadijilu kua tshilumbu tshia disungula. Bualu ebu kabuena buikale bua patupu to, kadi budi ne mushinga wa bungi bua kudisangisha ne bena budisuile mu malu a bujitu bua malu a tshididi, bualu ebu ke nshindamenu wa demokrasi. Pashishe kudi diambuluisha dia biamu ne dilongesha bantu », ke muvua Bernard Quintin, Mulombodi muambuluishi wa mudimu wa malu a pa buloba bujima muambe.
Shekinah Gloire Kabongo
