Muena mudimu wa diambulula ne miakulu Patrick Muyaya Katembwe uvua muakidila balombodi ba Tshisumbu tshia matunga a ku Mputu bafumina mu Bruxelles mu Kabinet kende ka mudimu , bionso ebi bivua bienzeka mudisatu dia matuku dikumi ni inayi ngondo muisambobo wa 2023.
Mu muyuki wabu, bavua bakonkonona malu adi atangila masungula adi ngezeka mu ngondo wa dikumi ne muibidi mu République démocratique du Congo. Bena mu tshisumbu etshi badi balombola kudi Vincent Ringenberg, muena mudimu wa malu a tshididi wa mu biro bia matunga makuabu bia mu Mputu udi wamba ne: bavua ne disanka dia bungi bua muyuki wabu ne ministre au.
« Tuvua muaba eu bua kumvuija ministre tshipatshila tshia mudimu wetu, tudi mudimu wa dienza makebulula bua kumona bikala malu malongolola bua kutuma mudimu wa ditangila masungula mu ngondo wa dikumi ne muibidi udi ulonda. Bua bualu ebu, bidi ne mushinga bua tuetu kutuilangana ne ministre wa malu a diumvuangana bua kuyukila bua malu a diumvuangana adi atangila disungula. Nntatu kayi itudi nayi? Mmalu kayi adi mu njiwu eyi?‘
« Mandamuna a ministre ku nkonko yetu adi asankisha bikole bualu adi mua kuambuluisha bua kufila luapolo luvuabu ne bua kufila kudi bamfumu betu ne atupesha mibelu ne mmuenenu bua mushindu wa kuenza masungula mu ngondo wa 12 udi ulonda. Mudimu wa ditangila
Bantu ba mu matunga a bungi badi mu provense yonso. Nansha nanku, tudi bajadike ne: netubateke ».
Pa bidi bitangila mushindu udi Ekeleziya wa ku Mputu udiumvua bua disungula dia bantu bua kubuela mu dienza malu a tshididi, Vincent Ringenberg wakaleja ne: Ekeleziya wa ku Mputu, ku diambuluisha dia mudimu wende wa diyukidilangana ne ba Ekeleziya wa ku Mputu badi mu Kinshasa, udi ulonda bimpe malu adi enzeka mu République démocratique du Congo, nangananga disungula dia bantu.
« Mudimu undi ngenza ki mmudimu wa kukonkonona malu onso adi menzeke to. Bakakonkonona malu a difundisha dia basalayi kudi bena mu biro bietu bia bumfumu. Ndi ngela meji ne: mu katupa kîpi emu, neakule bua malu adi atangila disungula ne mushinga wa kuikala ne mushindu udi umvuika malu onso », ke muvuaye muambe.
Muntu eu wa malu a tshididi wa ku Mputu udi ulomba bena Kongo bua kuyabu ku divota.
« Bidi bimpe bua bena Kongo baleje dîyi diabu ne basungule muntu udi mua kutumbishisha demokrasi ne bua matuku atshilualua a ditunga dia Congo, pamutu pa kusungula bua kubenga kubuelakana. Bia dibungama, pa buloba bujima, bantu ba bungi kabena balua mu dienza masungula to. Ndekelu wa bionso, demokrasi ke udi upeta ».
Shekinah Gloire Kabongo
