N’Djamena, tshimenga tshikulu tshia ditunga dia Tchad, ke muaba uvua tshisangilu tshia kumpala tshia mpuilu wa 46 tshia Union parlementaire africain tshiakatuadija mu dia 5 ngondo wa dikumi 2024, mu nzubu wa Palais de la démocratie.
Bena mu tshisumbu tshinene tshia mu ditunga dia Congo bavua balombola kudi Mulombodi munene wa kabadi kakulu ka ditunga Omana Bitika Pascal.
Mu dia matuku muanda mutekete ngondo wa dikumi, mulombodi wa wa mu Sénat wakakula mu dîna dia ditunga dia Congo ne wakavuluija kumpala malu adi mulombodi wa ditunga Félix Antoine Tshisekedi muenze bua kupingaja ditalala pankatshi pa ditunga dia RDC ne dia Rwanda, ditunga dia RDC didi mu mvita idi kayiyi miakane idi mishipeshe bantu bapite pa miliyo 10 ne mishipeshe bantu binunu ne binunu badi kabayi mua kuya kuabu ne bakaji ba bungi badibu bakuate ku bukole.
Wakalomba kabidi bua kukolesha malu a mpungilu bua kujadika ditalala mu tshitupa tshia Grand Lacs, ne wakangata dipangadika bua kupingaja ditalala mu ditunga dia RDC mu luapolo luende lua ndekelu.
» ditunga dietu didi ditungunuka ne kuluangana mvita ya tshikisu idi kayiyi miakane idi Rwanda muteke, idi mishipeshe bantu binunu ne binunu ne ipambuisha bantu mu nzubu yabu » , yeye kuamba.
Tudi bamanye kabidi ne: Mulombodi munene wa Sénat, Omana Bitika Pascal, wakamanyisha kabidi dilomba dia ditunga dia RDC bua kulongolola tshisangilu tshidi tshilonda tshia Union parlementaire africain.
KBG
