Mu dinda dia matuku dikumi umue ngondo wa tshitema wa tshidimu tshia 2014, ministre wa malu a ngumu , Patrick Muyaya Katembwe, wakaditua mu tshisangilu tshia dijadika dilonda dia malu a dikumbula dia benyi mu tshimenga tshia Kinshasa ku hôtel Béatrice.
Tshiena-bualu tshia tshisangilu etshi tshivuabu batuadija mu dia matuku dikumi ngondo wa tshitema kudi ministre wa mudimu wa dikumbula benyi Didier M Pambia tshivua ne tshiena-bualu tshia ne: » Bua kuakaja mudimu wa dikumbula benyi » . Mu dituku dibidi, ministre Muyaya wakakula bua kutumbisha ditunga dia Congo .
Bavua bamubikidishe kudi balombodi ba malu a bibidilu bia bantu, a diambuluishangana ne a dienza midimu ya bianza, Mulombodi Muyaya udi umvuija ne:
» kuenza tshimanyinu tshia ditunga kutu kutuadija ne mushindu utudi tudimona kumpala kua bakuabu » .
Wakasakidila ne: « Muntu yonso wa mu ditunga edi udi ne mudimu wa kuenza bua kuleja tshidi ditunga dijinga ».
Wakamba ne: bidi bikengela kuikala ne lungenyi lua kumpala kua kuela meji bua tshimuenekelu tshietu. Tshibilu etshi tshivua tshipetesha benamu mpunga wa kuyukidilangana ne kuambilangana ngenyi bua kulengeja tshimfuanyi tshia ditunga dia Congo.
Mu tshikoso, ministre wakavuluka ne: « buetu tuetu bisangilu ebi ne mbituambuluishe bua kupeshangana meji ne ngenyi popamue ne bantu ba mu provense ne bantu badi benza mudimu wa dikumbula benyi bua kuenza Bible udi mua kutuambuluisha bua kuandamuna bimpe ku lutatu ludi lutangila tshimfuanyi tshia ditunga dietu ». « Tuvua ne disanka dia kuambuluisha mu mudimu eu. »
KBG
