Dipangadika dia CAF pas tshilumbu tshivua ditunga dia congo difila bua manaya ni ditunga dia Mauritanie didi dipatula bipatshila bisatu bia mu manaya adibu bapete mu Nouakchott. Ke bualu kayi banaya ba ndundu ya nyama wa nkashama badi bunbunka ku 7 too ne ku 9 point.
Tshisangilu tshia ndundu tshia mu ditunga dia Congo (FECOFA) tshidi tshienza mudimu mu malu a mu tshimuenekelu bua kupeta bipatshila bisatu bia ditshimuna dia ndundu kudi ditunga dia Mauritanie mu ngondo muisatu mushale, divua dijike ne tshipiminu tshia 1-1.
Tshisumbu tshia ndundu tshia mu ditunga dia Congo tshivua tshifile dilomba kudi tshisumbu tshia ndundu tshia mu Afrike (CAF), tshikale tshibenga ne: mulami wa ndundu Khadim Diaw uvua mupete ditunga dia Mauritanie kabayi batumikile mikenji. Bualu bukuabu, FECOFA uvua kabidi muele mpata bua karte kakunze kavua mulumbuluishi wa mu Tunisie muelele Cédric Bakambu.
Tshisumbu tshia ditunga dia congo ntshiangate anu bipatshila bisatu bia mushinga mukole bidi ne mushinga wa bungi mu manaya a CAN 2023 adi ne bua kuenzeka mu Côte d’Ivoire mu ngondo wa 1 wa tshidimu tshia 2024.
Shekinah Gloire Kabongo
