Basalayi ba ONU bakumbuka mu Sud-Kivu mubidi edi dia 25 ngondo muisambombo, pamue ne bena mu tshisumbu tshia ba-MONUSCO, kumpala kua ministre wa kumpala wa ditunga dia Congo ne Bintou Keita, mfumu wa tshisumbu tshia ba-ONU.
Mu tshibilu tshiakenzekela mu tshipalu tshia ndeke tshia Kavumu, MONUSCO wakafila bintu bia mushinga wa dolare miliyo 10 kudi bakokeshi ba mu ditunga dia République démocratique du Congo (RDC) ne kudi bena mudimu bakuabu ba mu ditunga dia Congo.Kabidi, MONUSCO wakapesha tshiluilu tshia basalayi tshia ditunga dia RDC (FARDC) tshitudilu tshia ndeke tshipiatshipia ne tshitudilu tshia basalayi ku Rutemba, pabuipi ne Uvira, mushinga wa dolare miliyo 1.5.
Ku diambuluisha dia mapa ne malu adibu bapatule aa, bena mu ditunga dia RDC badi benza muabu muonso bua kukolesha bukole buabu bua kulama ditalala ne kukuba bantu badi kabayi basalayi.
Bua Bintou Keita Tshivua mudimu munene uvuabu benze pamue ne mbulamatadi wa ditunga dia RDC.Nansha muvua ntatu ya bungi ituvua bapete, dikoka dia basalayi ne bintu bietu diakenzeka mu bulongame, ne nansha muvuaku lutatu lua matuku, tshitupa tshia kumpala tshiakapita bimpe.
Udi wamba kabidi ne: « Etshi ntshipeta tshia tshikondo tshipiatshipia bua provense eu. Bukokeshi bua ditunga dia Congo ke budi ne bujitu buonso bua kulama ditalala ne kukuba bantu badi kabayi basalayi. Bukokeshi ebu budi bukumbaja mudimu wabu eu mu diumvuangana ne bantu ba muaba au ne balombodi babu, ne diambuluisha dia matunga a Bulongolodi bua matunga masanga, makuta ne programe bidi bitungunuka ne kuenza mudimu wabu. »
Bilondeshile mukanda wa ku tshianza tshia MONUSCO mu Ditanu, kutuadijila mu dia 1 ngondo wa muanda mutekete 2024, kasumbu ka bena tshimuangi 34 kakashala mu Sud-Kivu bua kuambuluisha matunga a Bulongolodi bua matunga masanga, makuta ne programe bua kulama njila ya kudimuija bantu, kukuba bana ne kuyukila ne bantu ba muaba au, bu mudi Radio Okapi umvuija. Net
Tudi ne bua kumanya ne: mbulamatadi wa ditunga dia Congo ke uvua muangate dipangadika dia kupatula bena mu ditunga mu ditunga edi mu ngondo wa dikumi ne muibidi wa tshidimu tshishale. Katshia ku dia 30 ngondo muinayi, midimu yonso ivuabu benza mu buenzeji bua tshisumbu tshia bena Congo tshia disungila bena tshimuangi ivua mijike, mbulamatadi wa mu Congo ke uvua mpindieu ne bujitu bua kukuba bena tshimuangi.
Shekinah Gloire Kabongo
