Mbulamatadi wa ditunga dia République démocratique du Congo udi ukandika ne muoyo mujima dibunda dia bombe dia mu dia 3 ngondo muitanu dia mu musoko wa Karuba udi mu mikuna ya Kiroche ku tshitudilu tshia bena tshimuangi ku Mugunga, ku est kua ditunga edi, udi wamba ne: tshilu tshia ditunga dia Rwanda ke tshivua tshienze bualu ebu.
Malu adibu bambe mu tshibejibeji etshi adi aleja ne: malu aa adi atangila:
Dibunda dia tshilongelu tshia tulasa tua bikese mu Mugunga mu dia 2 ngondo 2 wa 2024;
– Dibunda dia tshisalu ne tshitudilu tshia bena tshimuangi mu tshimenga tshia Mugunga ne Ngulo mu dia 7 ngondo muibidi;
– Dibunda dia ku tshipalu tshia ndeke tshia Goma kudi ba-drone ba mu Rwanda mu dia 17 dia ngondo muibidi; – Mvita ya bombe ivua itangila bena tshimuangi mu Sake mu dia 22 ngondo 2 ne mu Nzulo mu dia 18 ngondo 3
Muakuidi munene wa mbulamatadi wa ditunga dia Congo wakamba ne: « Bukokeshi bua ditunga dia Congo budi bupisha ne bukole buonso malu a tshinyangu aa adi aleja patoke dijinga dia ditunga dia Rwanda dia kutungunuka ne kuenza malu mabi a mvita mu ditunga dietu ». Wakamba kabidi ne: bavua bangate mapangadika a lukasa lukasa bua kuakaja bukubi bua bena tshimuangi ne bua kupingaja miaba ivua tshiluilu tshia ditunga tshia Rwanda tshibuele. « Nebalumbuluishe bantu badi baluisha bena tshimuangi kabayi bakenga ne kabayi banemeka manême a bantu. Nebalumbuluishe bantu ba pa buloba bujima bua bualu ebu ».
Tshidibi, mbulamatadi wa ditunga dia Congo udi ulomba bena matunga makuabu bua kuelabu « bipidia bia malu a tshididi ne a mpetu » bua kuenzeja ditunga dia Rwanda bua kuimanyika « bienzedi bia tshinyangu ne bia luonji » mu ditunga dia RDC.
Tudi ne bua kuakula bua ditalala ne ditalala didi mu tshitupa tshia ku est kua ditunga dia RDC bidi mu njiwu ya dibunda mvita misangu ne misangu, ne mbujitu bua matunga a pa buloba bujima bua kukosa tshilumbu ne kuimanyika tshikisu etshi tshidi katshiyi ne mushinga.
Bantu ba mu ditunga dia Congo badi ne bua kuikala mu ditalala, mu bukubi ne mu bunême, ne mpindieu ke tshikondo tshia kuenza malu malelela bua kujikija dikenga edi didi dikengesha bantu.
Shekinah Gloire kabongo
