Patrick Muyaya azongisi kagame na nzela pe asengi naye alongola naino lipoti na liso wa ye
Esalemaki mokolo ya jeudi 01/12/2022 o liboso ya ba panzi sango o molulu ya bo kutani briefing presse .
Molobeli ya bulamatari n’toma Patrick Muyaya ayebaki ko sabola kagame, mokolo moleki,kagame azalaki o liboso ya balobeli ya mboka naye na maloba naye alukaki mingi mingi kofinga tata Mokambi wa ekolo Congo mukwatombolo Félix Tshisekedi Tshilombo
Pona ministre Patrick Muyaya posa ya kagame ezali koluka kozangisa kimia tata mokonzi, n’toma Patrick Muyaya a ndimisami te kagame azali na minioko kipelekese oyo ezwi ye ezali nde akoluka lolenge ya koyiba nkita ya congo kasi ako koka te nde pe moko ya ba langa nzembo mwana yolo maître Gims alakisi o misu ya mokili mobimba te kagame azali lolenge moko na Hitler.
Ministre motali bosalisi Modeste Mutinga na moninga wa ye n’toma Fabrice Puela bayaki pe mpo te lisolo ezalaki mingi mingi na maye matali lolenge ya kosunga batu o monyele ya kivu .
« Solo tokozela lisungi na ko tala lolenge ya minyoko bana mboka bazui o monyele kuna,toko senga bomoko bondeko pe bolingo », maloba ya n’toma Modeste Mutinga.
N’toma Patrick Muyaya na ngambo naye a beleli te ba M23 bawuti koboma bilenge basi pe bana o molongo koleka 100 na mboka kishishe na Rutshuru ba boyi kotosa lisolo ya botiki naino miziki ya mandoki oyo wapi mokoloto e tyamaka mokolo ya 23 novembre 2022 na Luanda.
Bilenge mingi bakoboyaka masolo ya bokoti o m23 kasi na ya ngo na mboka pe etuka nioso soki m23 amoni bongo azwi bilenge pe abomi botala lolenge ya pasi oyo bandeko bazali komona ,Maloba ya n’toma Patrick Muyaya molobeli ya bulamatari
Pona n’toma Fabrice Puela bo bomi pe bo tangisi makila ya bayi mboka na likita ya ba nyangalakata ya M23 koyeba lisusu te bazali kozwa bana mike na makasi pe bako pesa bana mandoki bayeba te etumbu ekolanda bango po ete leta aza nasima na bango bako sambisama atako lelo te, maloba ya N’toma motali mibeko ya bato.
N’toma Fabrice Puela atalisaki te mikolo mi koya mokoloto pona misolo ya bosungi bayi bazwi pasi eko salema pona bolamu ya bana mboka.
Yulio Bendera.
