Mfumu wa malu a ngumu , Patrick Muyaya uvua muyukila ne kasumbu ka malu a bungenda ne malu a ngumu ku midimu ya mu ditunga dia Congo (FEC), mu diamatuku dikumi ni isambobo ngondo Wa kashipupunpu mu 2023 mu nzubu muende Wa mudimu.
« Tuvua ne muyuki mulenga ne Mulombodi Muyaya bua mushindu wa kulombola mudimu wa Diyukidilangana ne wa Dishintulula malu adi mpindieu ne ntatu ya bungi bua dipanga dia mikenji. Tuvua bayukile bua mishindu mishilashilangane ya mua kujikija tshilumbu etshi ne tudi tuela meji ne: mu matuku makese emu, netupatule dipangadika bua bualu ebu« , ke mudi Mfumu Didier M’Pambia muambe.
Mudimu eu udi upesha bantu ba bungi mudimu ne upesha bansonga ba bungi mpunga wa kuleja mamanya abu. « Kupangila bua kulombola mudimu eu kudi mua kufikisha ku difua dia biapu bia bungi. Tudi balue bua kudimuija bantu ne kuleja mushindu utudi petu mua kuambuluisha bua kushintulula malu adi ministre wa malu a ngumu wamba ».
Tshiena-bualu tshibidi tshivuabu bakonkonone mu muyuki eu tshivua tshia dikoka bantu ku budisuile.
Bua Didier M’Pambia, budisuile budi buambuluisha bua kuibaka midimu ne kuimansha bantu mu dikenga. Tudi tuenda tuenza mudimu ne RTNC bua kutungunuja midimu ya bianza bua bansonga ba bungi balue kuenza mudimu wa dienza bubanji ».
Ku luende luseke, Myoto Liyolo wakatumbisha ministre Muyaya bua diambuluisha divuaye mumupeshe mu dienza dia mukanda wa bantu badi benza mudimu wa dimanyisha malu mu ditunga dia République démocratique du Congo.
Didier M’Pmbia (mukulu wa komite wa FEC wa malu a dimanyisha ne a dipatula bintu) uvua pende mu kasumbu aka.
Myoto Liyolo (Mukuatshishi wa mulombodi).
Bena mu komite bavua Gloria Fataki (muena mulombodi muimanyine pa malu a ngumu) ne Luto Nzolantima (muena mulombodi muimanyine pa malu a dimanyisha ne bimanyishilu).
Shekinah gloire kabongo
