Na sima ya mbula moko n’a motú ya SADEC, Mokonzi ya yambo ya ékolo Congo Démokratiki Félix Tshisekedi a pesi ebonga naye ya bokambi ya Sadec na mokokani na ye ya Angola João Lourenço jeudi oyo na Luanda. Botiami oyo esalemaki na kati ya 43e likita ya ebongiseli ya etuka oyo.
Na kotalaka mandat na ye, mokonzi ya ekolo akumisi boyokani ya ba bikoló oyo ezali na kati ya lisangáya SADC baye bazwaki “mokano ya mpiko ya kotiya etinda na RDC (SAMIDRC) mpo na kosunga misala ya kobundisa mpe kolembisa misala ya lisanga ya babomi M23.”
“Kozonga ya M23 oyo esungami na Rwanda esalaki ete bato bábuka mpenza ntomo ya bato mpe mibeko ya mikili mingi mpo na makambo ya bato. Mpo na etumba wana ya kozanga bosembo, bankóto ya bato ya mboka na ngai bazali na makambo ya mpasi mpenza,” elobaki bongo Mokonzi ya Leta.
Caleb Makonda
