Patrick Muyaya, ministre wa malu a dimanyisha mu ditunga dia Congo wa mungalata mutokoshe Malu a bimvundu bidibu bakula Kudi banue bantu ba moyo mubi bua dijimija dia Dipangadika dia dilongesha dia bana tshianana mu ditunga dia Congo.
Wakamba ne dishindika dionso ne « bualu ebu kabuvua bulelela to » kusakidila ne , Katshia mu tshidimu tshia 2019, ditunga dia Congo didi dilaya bua kufila malongesha a nshindamenu tshianana mu ditunga dijima bua Bana bonso.bionso ebi mu ditumikila Dia meyi a mfumu wa ditunga Félix.
Tshilumbu etshi tshidi tshifumina ku tshiena-bualu tshia makumi inayi n’isatu tshia mikenji ya ditunga ya mu 2006 tshidi tshienzeja mbulamatadi bua kufuta makuta adi baledu bafuta bua mulongesha Bana mu tulasa tua mbulamatadi.
Ku ntuadijilu, bavua bafile makuta aa mu bidimu bia 1980 bua kukepesha bungi bua makuta avua mbulamatadi mufila bua tulasa.
Bualu ebu buakapatula bipeta bimpe, bu mudi: kupepeja mushindu udi bana bonso mua kubuela mu tulasa. Lelu, bana 62,5 pa lukama badi bapeta dilongesha edi, bualu ebu budi buleja mudi dilongesha edi ne mushinga wa bungi mu tulasa tua mu Congo.
Bana ba bungi bavua bapingane mu tulasa Bilondeshele meyi a mfumu wa ditunga mu dilongesha bana tshianana.
Bualu ebu buakapepesha bujitu bua bungi bua makuta avua baledi bafuta. kukepeshabu makuta a tulasa ne bia pa lukama 97,5. Baledi kabatshiena kabidi bafuta makuta avuabu bafuta bua kukonkonona malu adi atangila balongi ba ndekelu to, bua kulongolola bintu bidibu mua kufila mu mateta, bua bilamba bia balongi, bua difundisha mu kalasa, ne, bua diteta dia mu kalasa, bua kutangila mateta a ndekelu a tulasa.
Kadi, dishintuluka dinene edi didi dipesha ntatu ya mishindu isatu: kudi balongi, balongeshi ne kudi baledi.
Bua kutantamena ntatu eyi, mbulamatadi wa mu Congo udi wenza malu ku kakese ku kakese bua kuyijikija ntatu eyi.
Bua balongi, badi badienzeja bua kuakaja bintu bia mu tulasa ne kubapesha bintu bikumbane bia kulonga nabi.
Bua balongeshi, programe wa dilongesha ne makuta adibu bafuta bidi biambuluisha bua kulongesha bimpe.
Bua baledi, kukepesha makuta a bungi adibu bafuta bua kulonga kudi kuenza bua tulasa tuikale ku bianza bia bantu bonso. Patrick Muyaya wakaleja mushinga wa kuluisha malu a dishima adi enda apita ne kutua mudimu udi wenzeka lelu eu nyama ku mikolo bua kualabaja dilongesha dia tshianana.
Wakamba ne: dishintuluka edi didi diandamuna dijinga dinene dia bantu ne didi diambuluisha bua matuku atshilualua a ditunga edi bualu didi dipetesha bana ba bungi mushindu wa kulonga.
Bua kujikija, dilongesha bantu tshianana mu ditunga dia Congo didi ndipangadika dikole dia Mfumu wa ditunga Félix-Antoine Tshisekedi, ne mbulamatadi wa mu ditunga dia Congo udi utungunuka ne kuenza bua kutantamena ntatu ne kujadika dilongesha bantu tshianana. Dipangadika edi didi ne mushinga wa bungi bua dikumbana dia dijinga dia mfumu wa ditunga.
Gloire Kabongo
