Guy Loando mu Disambombo dia makumi Abidi ni inayi ngondo wa muanda mukulu 2024, mulombodi wa mbulamatadi mu Malu a dilongolola dia buloba, Guy Loando Mboyo, wakenza ngendu ya bungi mu tshimenga tshia Lemba ku ndekelu kua lumingu.
Pakapetanganabu ne bantu ba tshitupa esthi,bakonkonona njila ivua mibole kakuyi mushindu wa kupitshila , bakamona kabidi bualu bua dibungama: mikuna ya buwa ya bungi idi mu tshimenga etshi, nangananga pabuipi ne Iniversite wa Kinshasa.
Muena mudimu wa Mbulamatadi wakaleja muvuaye mudisuike bua kujikija tshilumbu etshi bilondeshile lungenyi lua Mfumu wa ditunga Félix Tshisekedi Tshilombo ne bulombodi bua Mfumu wa ditunga Judith Suminwa Tuluka .
Luendu elu luakatuadija mu tshimenga tshia Mbanzalemba, kupitshila mu tshitupa tshia Tchad, ne luakajika ne dikumbula dionso dia tshimenga tshia Congolos ne dia muaba uvua balongeshi basombele.
Guy Loando udi mumanyike bikole bua mudimu wende wa budisuile ne wa diambuluishangana, ne bena mu tshimenga etshi bavua bamuakidile bimpe.
Bantu ba mu Lemba bavua ne disanka dia kumona muntu uvuabu babikila ne dinanga dionso Mfumu Guy bakanyisha luendu luende ne dienza diende mudimu wa kulengeja nsombelu wabu.
Muena mudimu wa mbulamatadi kavua muimanyine apu to. Bu muvua bena mu tshitupa nende bamubikile, wakaya mu tshimenga tshia UNIKIN, muaba uvuabu bamuakidile ne disanka.
Bana betu aba bakasanka pakamonabu ne: ministre uvua mumone ntatu ivuabu nayi. Guy Loando Mboyo udi tshimfuanyi tshia lungenyi lua ditunga dimpe dia Kongo, luvuabu baleje kudi mfumu wa ditunga Félix Antoine Tshisekedi Tshilombo ne luvuabu batumikile kudi mbulamatadi mulombola kudi mfumu Judith Suminwa Tuluka.
Pamutu pa kushala anu mu biro biende, uvua musue kuenza mudimu bua kuambuluisha bantu.
Gloire Kabongo
