Mu ditunga dia Congo, mulombodi wa malu a buakane Constant Mutamba udi ulomba bua kuluisha malu a dikosa dia mishiku, diangata dia makuta a mbulamatadi ne dipanga kufuta makuta a mbulamatadi.
Mu mukanda wakapatulaye mu dia 27 ngondo wa muanda mukulu, wakamanyisha dienza dia malu a bungi bua kufuta bitadi bionso, ne makuta adibu ne bua kufuta kudi mbulamatadi wa malu a mikenji.
Mu malu aa mudi: difuta dia makuta, difuta dia tshibawu, difuta dia mikanda anyi difuta dikuabu dionso.
Mu mukanda eu: « Bitupa bia difila mikanda bidi bienda bibuela ku kakese ku kakese mu biro bia balumbuluishi,ne mu biro bia mu Tshibambalu tshinene tshia malu a dilumbuluisha, anyi mu biro bikuabu bia mudimu wa diambuluishangana ». Nunku, bilombibue bua kufuta makuta anu ku banke.
bantu badi kabayi banemeka mikenji eyi to ni bikale ne bilumbu ku tubadi ne makuta adibu bafuta kaena mua kuimanyina pa malu adibu benza to.
Gloire Kabongo
