Christophe Lutundula ayanoli dokotolo Denis Mukwege o nzela ya Masolo na bapanzi Sango | Briefing presse
Pona maloba ya dokotolo DENIS MUKWEGE, pona ministre CHRISTOPHE LUTUNDULA eza malamu mwana Congo nioso aya na makanisi malamu po to bimisa mboka na etumba.
Ezalaki mokolo ya samedi 23 esika wapi Masolo ezalaki na ba panzi Sango
esangisaki ministre molobeli ya bulamatari PATRICK MUYAYA mpe na ministre akosala ka makambo ya libanda CHRISTOPHE LUTUNDULA.
kasi Masolo ezalaki mingi mingi makambo ya boyokani ya Luanda pona kosilisa bitumba ya M23 oyo ekosalemaka na mboka Nord Kivu.
Pona koyanola na maye dokotolo DENIS MUKWEGE alobi pona bulamatari,
CHRISTOPHE LUTUNDULA ayanolaki te bulamatari akozela makanisi nyoso ya malamu ya bayi mboka pona ko tombola mboka pe kobimisa mboka na pasi ya etumba liye ewumeli uta mibu tuku ibale mpe abakisaki lisusu Tata mokonzi ya mboka Kenya uhuru ayebaki koponama pona bokambi likita ekosala ka bosololi elamu pona kopikolisa bo ndongwani na Est ya Congo esalemaki na mboka Arusha na Tanzania mokolo ya vendredi 22 juillet, pe likita Europa balobi bakokoto Masolo ena mikolo mikoya.
Na ngambu mususu atalisaki te mokanda ya Robert Menendez,mokambi ya likita ya Masolo ya misala ya libanda pona sénat y’amerika ekofundaka makasi polo kagame epesamaki o maboko ya Anthony Blinken, Pona LUTUNDULA CHRISTOPHE
eza esengo ba amerika basosoli mbala mibale pe bakobeta ka lisolo ya motungisi ya mapinga Rwanda o mabele ya Congo.
Emile Kibancha .
