bondongwani lyoko te esengeli kopusa mobulu na batelemeli monusco to pe na bayi monusco| Patrick Muyaya
Ezalaki oli boso ya ba panzi Sango mokolo ya 26/juillet/2022 na Masolo ya briefing presse,esika wapi ministre molobeli ya bulamatari PATRICK MUYAYA,asangisaki ba panzi Sango elongo na motindami ya ONU o mboka Congo demokratiki KHASSIM DIAGNE ya likita monusco.
O Masolo ya bango liboso ya ba panzi Sango,
ezalaki kaka masolo ya kondongwana ya bayi mboka kuna na Goma bakosenga te monusco akende pote bazo koka te kobundisa makita ya baye bazwa manduki na makasi, kasi na milulu ena bato zomi na mitano 15 bakufi,na kati na bango bana mboka zomi na mibale 12, pe na ba soda ya monusco misatu 3.
Pona KHASSIM DIAGNE,esengeli na lombangu kimia ezonga ezali motuya koleka “sikoyo na bokitisi kanda po te na lolenge oyo makambo maleki, eza te na ko dongwana nde makambo nioso ekobonga”,na banzi towuti kolekisa mikolo mibale ya pasi pe mobulu, pasi wana kaka na monusco te pe na bana mboka misusu bisika bazwami mobulu oyo esungi te po te bazangi lolenge yakozala na kimia, ” kasi esengeli tosala nyoso pote makambo ezonga malamu”, ayebaki koloba.
Nako byanga makita nyoso na kimia, KHASSIM DIAGNE, alobi te esengeli kosolola pona lolenge ya bolekisi ” na tondi bokasi ya bulamatari pona kobakisa bosinzili pe bobateli bisika ya monusco,kasi kotalisa na basali ya biso pe tokosala Manso po te toyeba kobakisa loboko pe lisungi na biso na bulamatari pona bozongisi kimia na Kivu“.
Na ngambo na ye ministre PATRICK MUYAYA molobeli ya bulamatari ayebaki kobenga bana Congo demokratiki nyoso na kimia” kasi eloko lyoko te esengeli kopusa batu na bondongwani pe mobulu ezala ba ye bakotelemaka monusco to pe basali ya monusco.esengeli toyokana”. ayebaki kopesela .
PATRICK MUYAYA,ayebaki lisusu kotalisa te ba kolandela pe koyeba lolenge kani bandeko bakufi na nzela ya ministre ya mibeko,pe bazuzi ya auditorat militaire.
Pona kosilisa Masolo ya fara fara na bapanzi Sango,
molobeli ya bulamatari atalisaki te mikolo mikoya likita lyoko ya bapanzi Sango mpe na monusco ,ba kozwa mpepo pe kosala mobembo o mboka Goma pona kotalisa pe kopesa basango ya solo ya mboka Nord-Kivu.
Epeka Augustin.
