Mudia matuku dikumi ni isambobo ngondo wa tshimungu wa mashika tshidimu tshia 2024 , Ku ntuadijilu kua tshidimu tshia kalasa tshia 2024-2025, mbimpe kuelangana meji bikole bua tshidimu tshiakapita ne kuela meji bua tshidimu tshidi tshilua.
Pa bualu ebu, mulombodi wa Malu a tulasa Raïssa Malu, muludika mudimu wa dikonkonona dia malu adi menzeka mu tshidimu tshijima.
Matuku asatu, bena mu tulasa ba mu provense 60 ya mu ditunga dia RDC bavua badisangisha bua kuakula bua tshiena-bualu etshi: ‘ kuakaja nsombelu wa malu a mpetu.’
Mu muyuki wende wa ntuadijilu, ministre Raïssa Malu wakaleja mushinga udi nawu Tshibambalu tshiende bua kuakaja malu avuabu benze mu tshidimu tshishale, ne bua kuakaja mushindu udibu balengeja malu a tshidimu tshipia tshipia.
Bavua batambe kuimanyina pa lungenyi lua ‘Bumfumu bupiabupia’ luvua mbulamatadi wa ditunga muanyishe matuku mashale aa. ‘Buloba buetu budi mpindieu ne bujitu bua kutungunuja bukua ditunga budi buimanyine pa malu a budikadidi, a bana ba muntu, a buobumue, a buakane, a ditalala ne a mudimu,’ ke mudi ministre muambe.
Udi wamba kabidi ne: tshipatshila tshia kalasa aka ntshia kulongesha bantu badi ne majitu, badi mua kuenza mudimu wa bungi bua kulengeja ditunga ne kuenza bua bantu bikale mu buobumue ne bikale mu ditalala.
Bintu bu mudi: kubueja malu a bukua bantu mu malongesha a mu tulasa ne kubueja bansonga mu midimu ya mu tshisumbu bidi biambuluisha bua kukolesha buobumue mu bantu.
Mudimu eu udi ne mushinga wa bungi bua kutungunuka mua kulengeja malu a tulasa mu ditunga dia Congo, ne udi utamba kuimanyina pa ngikadilu wa tulasa ne pa dikola dia malu a mpetu ne a nsombelu mu ditunga edi.
Gloire Kabongo
