Tshisumbu tshia bena ditunga dia Congo Wa mungalata tshiakaya mu tshisangilu tshia dimbuilisha matunga a Afrique bua kuya kumpala mu tshimenga tshia Paris, mu dia matuku abidi a 23 ngondo muisatu, kumpala kua dikumbula dia mfumu Tshisekedi mu tshimenga tshia Paris mu dia makumi abkdi ni muanda mutekete ne dia makumi asatu ngondo muinayi ewu.
Tshibilu tshinene etshi tshivuabu balongolole pamue ne bulongolodi bua bena France budi buenza mudimu ne makuta mu Afrike (CIAN) ne tshikandakanda tshia kumpanda tshia malu a mpetu, tshiakasangisha balombodi ba midimu ya bungi ne bena malu a tshididi.
Mu tshisangilu etshi, Mulombodi munene wa tshibambalu tshia ditunga tshidi tshisaka bantu bua kudisumbila makuta (ANAPI), wakaleja mudi ditunga dia République démocratique du Congo mua kulua muaba muimpe wa kudibuela makuta kudi bena matunga makuabu.
Wakakula bikole bua malu adi mbulamatadi wenza bua kufila muaba muimpe wa kuenza malu ne wa bukubi, bilondeshile mushindu udi Mfumu Tshisekedi ulombola malu a mpetu, udi utuma ntema bikole ku dienza malu a mushinga mu bitupa bishilashilangane.
Bu mudi dikumbula dia Mfumu Tshisekedi dia mu Paris dienda disemena, tudi badisuike bikole bua kuvudija malanda etu ne ditunga dia France mu malu a mpetu. Tshisangilu tshia CIAN tshidi tshileja dijinga dietu dia kuvudija bungenda ne dibueja makuta mu matunga abidi.
Mushale kumanye ne: muyuki eu neutungunuke mu Forum Business France-RDC, wenzeka mu Dibidi dia 30 ngondo muisatu eu ne Mulombodi wa ditunga neikalepu. Tshisangilu etshi tshivua tshienza kudi kasumbu ka bena France ka bena midimu (Medef) tshivua tshiakula bikole bua biamu bia mushinga mukole, malu a nzembu ne biamu bikuabu bia mushinga mukole bivua ne mushinga wa bungi mu malu a mpetu a mu ditunga dia Congo Wa mungalata.
Shekinah gloire kabongo
