Katanga wa ku mutu: Jacques Kyabula mu Zambie bua mushinga wa bukula udi mubanda
Mushinga wa bukula bua manvua mmubande bikole mu misoko ya mu Katanga wa ku mutu. Bua kujikija lutatu elu, ngovena wa provense wa Katanga wa ku mutu Jacques Kyabula katwe muya mu Lusaka mu tshimenga tshikulu tshia ditunga dia Zambie mu dia matuku dikumi ni isambobo ngondo muisatu.
« Ndi mu Lusaka bua kupeta diandamuna dia lukasa bua mushinga udi mubanda manvua. Mvua muyukile ne Chipoka Mulenga, ministre wa malu a bungenda wa mu République de Zambie. Tshimuma tshinene tshia ntete tshidi tshipetela bena mudimu betu ba malu a bungenda ».
Bu mudi dipatula dia bintu dia mu ditunga edi ne mushinga wa bungi bua kujadikulula Katanga wa ku mutu udi utekemena anu ditunga dia Zambie, Jacques Kyabula udi wamba ne: yeye ne mbulamatadi wende nebakoleshe dipatula dia bintu bua kubenga kueyemena matunga adi pabuipi nende. Wakasakidila ne:
» Tudi tuenza mudimu bikole bua kuvudija bia pa buloba bua kubenga kueyemena bena mutumba betu ».
Tudi mua kuamba ne: tshibuta tshia bukula tshia kilo 25, tshivuabu bapana ngondo umue mushale ku 25 000 wa muana muena kongo lelu tshidi bapana ku 55 000 , anyi too ne ku 60 000 (27 USD) mu Lubumbashi (Katanga). Badi bamba ne: muntu udi ne nzala kena ne ditshi to, bualu bua lukasa bua kujikija tshilumbu etshi ke tshidi bena lucho (katanga wa ku mutu) basue bikole mpindieu.
Shekinah Gloire Kabongo
