Vice-Premier Ministre, Ministre ya Intérieur, bokengi mpe makambo ya bonkoko , M. Peter KAZADI KANKONDE na N’toma ya kosolola mpe ya bapanzi-sango, Molobeli ya Mbulamatari, Patrick MUYAYA KATEMBWE ayambaki *Bopanzi sango* mokolo ya misato oyo, le 6 septembre 2023. Na programé ya masolo, bosukisi ya Commission interministerial na makambo oyo esalemaki le 30 août 2023. 2023 na Goma.
Molobeli ya mbulamatari akundoli, na maloba ya ebandeli ya bokutani boye, ete délégation ministérielle ekendaki na Goma mpo na kotuna mpo na likambo mpe koyeba mokumba ya moto nyonso mpo na kozwa mbano. Mikano mingi milandaki, mingi mpenza bozongeli ya gouverner ya soda na Kinshasa mpe bosambisami ya polele esi ebandaki mardi.
“Moko ya makambo ya yambo ya délégation ezalaki ya koyeba baye bazwaki mpasi elongo na mabota na bango mpe kotala lolenge nini lolenge esengeli kokɔta na likambo yango
mpo na kolakisa mawa na yango liboso ya likambo ya mawa oyo,” elakisaki n’toma Patrick Muyaya.
Na ngambo na ye, Premier ministre molandq, N’toma ya Intérieur, bokengi mpe makambo ya bonkoko mpe azongi na bokoli ya etinda oyo na Goma.
« Ezali wuto le 01 septembre nde tokendaki na Goma mpo na kotuna mpo na likambo mpe likambo liye na mitindo ya tata mokonzi ya ékolo. Mpe tosalaki manaka ya mosala na biso » elimboli Maître Peter KAZADI.
Engebene na manaka maye, délégation eyambaki yambo na bakonzi banso ya bokengi ya engumba Goma, kati na bango gouverner ya soda mpe molandi na ye, mokambi ya polisi, ANR mpe DGM. lisanga ya batu, caucus intercommunautaire, ba mouvements citoyens mpe ba strates sociales nionso.
Na suka ya ba bosololi wana, Maye ekatamaki kuna ememaki na bofundami ya mokonzi mpe ya bokengeli ékolo mpe commanda ya régiment oyo ba memamaki liboso ya esambiselo ya basoda ya Goma.
Na mokolo ya mibale, ba mesures mosusu ezwamaki mpe, mingimingi bokundoli ya gouverner ya soda na Kinshasa mpo na bosololi; kokangama ya ba poli mibale oyo bazalaki n’a mokumba ya KO kongela engumba ya Goma mokolo wana; kobimisama ya ba activistes mosusu ya mouvement citoyenne ; kofuta ba misolo ya matanga ya bato oyo bazwaki mpasi nionso.
M. Peter Kazadi atelemaki na likambo oyo ete bazwaki mandat kaka te mpo na koyoka kasi mpo na kokɔta na makambo maye masalemaki, mpo na kozwa mikano mpe kopesa sango na mbulamatari mpo na mikano misusu miye mikolanda kaka.
Lokola bokundoli, .
Mokolo ya mitano, 30 août 2023, mampinga ya bokengi babetaki masasi mpo na kopalanganisa balandi ya etuluku mystique-religieux oyo babengi « La Foi Naturelle Judaïque Messianique vers les Nations (FNJMN)/Agano La Uwezo Wa Neno/Wazalendo ». Ba « Wazalendo », (Ba patriotes na français), bami lobeli lokola etuluku ya ba babundi ya botɛmɛli oyo batɛmɛli mobundisi Rwanda lokola mpe na ba bituluku oyo ezali kokambama na ye, mingimingi M23.
Na réaction, mokonzi ya ekolo amimonisaki “azali na mawa” mpe “na nkanda” sima ya liwa ya bana mboka wana.
Uta esika atindaki mokolo oyo elandaki likambo oyo ya mawa, lisanga oyo ekambamaki na ntoma molandi Peter Kazadi elongo na Premier ministre molandi oyo azali na mokumba ya ba babundi ya kala; ya N’toma ya Makoki ya Bomoto; ya Bosembo. Lisanga yango esilisami na auditeur général ya mampinga ya ekolo Congo démocratique.
Caleb Makonda
