Misolo molongo 413 million ya ki amerika esi epesami pona misala ya maponomi ya mobu 2023
Bulamatari ya mboka Congo Demokratiki asi apesi misolo o molongo ya 413 million ya ki amerika pona misala ya maponomi na ceni.
Eyebanaki ko lobama na n’toma mosimbi misolo Nicolas Kazadi, mokolo ya 24 sanza zomi mobu 2022 na Kinshasa, Bondimisami eye epesamaki o nzela ya mayangani ekobongisamaka epayi ya molobeli ya bulamatari ya Congo Demokratiki n’toma Patrick Muyaya.
Pona mobateli misolo ya Congo Demokratiki, bulamatari awuti kopesa misolo mikolo moleki na molongo ya 68 million ya ki amerika
« na bokutani ya suka ya masolo ya ba n’toma ya bulamatari, nalobaki te tosi topesaka misolo o molongo ya 345 million na wapi to bakisi lisusu 68 million ya ki amerika sasa ipi Etikali be misolo 60 million pona sanza libwa (9), nanu bulamatari apesi te kasi kala mingi te ekopesama boyeba toko tambolaka malamu »,maloba ya n’toma mosimbi misolo.
Na misala manso ya ma ponomi ya mobu 2023 bulamatari asengeli kotya misolo 620 million na Masolo eye na ba panzi sango n’toma Nicolas Kazadi Abetaki lisolo ya Bo pemisi bozwi ya TVA.
Na maloba naye motindo oyo ezwami pona kotelemisa bomati talo bileyi eye ekowutaka libanda.
Eleko Claudia.
