Ezalaki mokolo wa yambo 1 sanza zomi na mibale ya mobu oyo nde tata mokambi ya balobeli ba panzi Sango, asanganaki o liboke na molobeli ya mapinga général Kasonga mpe na molobeli ya polusu colonel Mwana Mputu.
Na maloba waye Tata mokambi ya ba panzi Sango Mwana mboka Patrick Muyaya, atalisaki te lokuta mingi ekoleka o nzela ya singa ya tshombo, wapi epayi batu bako kosa na bilili Mya kala te ba mapinga ya Uganda bakotaki nakati ya mabele ya Congo ya bakoko kasi ye atalisaki muinda, pe alobaki o nzela ya likita ya kobatela ( commission défense) ya balobeli likita liye bapesaki ndingisa te mapinga ya Congo esangana na ya Uganda mpo te ba bimisa libela ba ADF-nalu o mabele ya Congo pe kosilisa bokasi bwa ye.
pona kusukisa mokambi Muyaya atalisaki te kimia liye ezali motuya mpo te mboka Congo eponami lokola mojalisi ya biyano ote y’afrika.
Na kozwa maloba oye général Kasonga,atalisaki te okati ya ndingisa ya mapinga ezali kobatela mabele ya mboka pe bayi mboka pona ngo FARDC akotika te kobunda pona ekolo, kasi na maye matali bokoti ya mapinga ya Uganda, abakisaki lisusu boye te mapinga ya Congo basangani na ya Uganda pona kosilisa o mosisa ya likita ya ba bomi okombo ya adf-nalu, na yango bosangisi mayele ena ekosalema bisika babale ba kodo to pe mbila ya Congo bazali na eteyelo lyoko lya bozwi basango ( renseignements) wapi epayi lyoko bi ike ya mapinga ya Uganda pe bazwami ndenge moko pe na Uganda ba ike ya mapinga ya Congo kidemocratia bazali.
Pona colonel Mwana Mputu, ya polusu, ye atalisaki nde kokamwa komona te batu basusu bana mboka bako sepela te na lolenge leta ya Congo akobundana pona ko mema kimia, kasi amituna ki motuna liye soki lelo kasi gouvelenema ya Congo elongi te etumba liye kasi soni ekozala ya Nani ?
Ye abakisaki lisusu, moko ya ntaba mokonzi ya ADF-nalu akolobaka mikolo loleki te bisika ena bazali ezali république islamiste Nani kati bayi Congo akondima te mowuta aya n’a Congo pe aboma pe abotola mabele ya bakoko ,kasi po Nini kosepela na makambo liye, pona kosilisa ye abakisaki lisusu esengeli bayi mboka Congo ba Pesa confiance na leta po te misala ya ko mema kimia esalemi na lisungi ya Bana mboka po te elonga ezala bosukisi bwa ye.
