Pa dib’adi dia kujikija dilongesha dia bena mudimu ba Biro wa Dijadika dia ditunga, Dieudonné Kamuleta, mulombodi wa kabadi ka mikenji ya nshindamenu udi ne disanka dia bungi bua kupeta karte kende ka bumanyishi mu Ditanu dia 26/04/2024.
Mfumu wa Kabadi ka Mikenji ya ditunga ne wa Kabadi kakulu ka balumbuluishi, Dieudonné Kamuleta, udi uleja dianyisha diende bua malu aa avua kale amueneka bu malu a patupu, kadi adi mpindieu malelela.
« bu mudi bena Kongo bonso, paudi umona bualu bua mushindu eu, udi ne disanka. Ndi ngangata muaba udi wanyi, patudi tuakula bua mbulamatadi wa mikenji, tudi tuakula kabidi bua bumanyishi bua ditunga. Kuikala ne karte ka tshimanyinu ka ditunga didi dikumanyisha bu muena ditunga dia Congo ndiakalenga divua bena mu ditunga dia Congo kabayi mua kuikala nadi munkatshi mua bidimu bia bungi. Lelu’eu ki nditekemena to, kadi mbualu bulelela», ke Dieudonné Badibanga muambile bena tshikandakanda panyima pa bamane kumupesha karte.
Bua mulumbuluishi wa kumpala wa ku kabadi ka mikenji ya ditunga, malu aa adi aleja dijinga dikuabu dia kuikala ne bunême, ki nganu mu ditunga nkayadi to, kadi ne pa buloba bujima. Bualu ebu budi ne bua kusaka bena mu ditunga dia Congo bonso bua kuikala ne dianyisha.
Mbantu bungi kayi bavua mua kuakula bimpe bua malu avua enzeka aa? Tuvua tubanda malu a bungi nansha muvuawu kaayi ne nshindamenu, kadi bualu budi mua kutujadikila ne: tudi bantu balelela mbuena kuamba ne: tudi bantu banene, mbuena kuamba ne: tudi tuitaba bipeta bia mvita yetu, bipeta bia dikeba dia bunême ne dijadika mu ditunga ne pa buloba bujima.
Bilondeshile mulombodi wa UNIP, Stanislas Kenza, badi bamanyisha dilondangana dia bisumbu bia bantu mu dia 1 ngondo muisambombo ne mu tshitupa tshia ntuadijilu, bidi mua kunanga anu bimenga binayi bia mu Kinshasa bu mudi: Bandalungwa, Limete, Lingwala ne Nsele.
Shekinah gloire kabongo
