Goma batu mineyi bakufi sima ya mobulu esalemaki mokolo Mwa tuku mibale,bilenge zomi na Sambo badjoki pota.
Ezalaki o momesano wapi epayi tata ministre ya maye matali bapanzi Sango ayambaki molobeli ya fardc zheneral Kasonga pe na molobeli ya polusu kolonel Mwana Mputu.
Ezalaki na motuya pona kotalisa o liboso ya bayi mboka te maye malekanaki na Goma ememi liwa ya bilenge mineyi(4)batu zomi na Sambo badjoki pota pe zomi na moko ba kangemi o maboko ya polusu.
Ya ko yeba te ezalaki o nzela ya bobengi bilenge po te ba bima na nzela pe ba boya likanisi ya bobengi polusu ya Rwanda po te bakengela boningani pe botamboli ya Bana mboka pembeni ya biteni ya mboka ba bale ,kasi lokuta etambolaki bilenge basali mobulu, likambo ya bokende o mboka Rwanda epayi zheneral Hamuli, ezalaki na bo tombwani bwa ye o kati ya likita ya ba konzi ya polusu ya Afrika ya ngele eko sangisa mboka tuku zomi na mineyi pe botombwami ena ekosenga na zheneral Hamuli kotambola na ba mboka eyi edjwami nzinga nzinga na Congo demokratiki.
Pona kolonel Mwana Mputu, zheneral Hamuli azali na ndingisa Soko mokie te ya kobengisa polusu ya Rwanda to pe ya mboka mususu koya o mabele ya Kongo demokratiki .
Pona ministre Muyaya, kobengisa bovandi na ndako elobi te kobebisa to kopanza bisalelo ya musala ya bulamatari ezali mbeba baye basali yango bakozala liboso ya ba zuzi pona kozwa etumbu .
Kasi na ngambu naye zheneral Kasonga,abakisa bofungoli nzela pona kosunga bozongi ya boteki biloko to pe botamboli ya bayi mboka ekosalema malamu na lipamboli ya mapinga ba bale na kobakisa naye te basikoli nzela ya kamango erengeti pe mbao ba kangi 36 adf pe Yako yeba moko ya bakambi ya société civile moko azwami o maboko ya mapinga po azali lisu ya ba adf pona kosilisa ministre Muyaya abakisa te musala ekosalema o ngambo ya polusu ,pona polusu eyi ekangaki tata mokonzi ya engumba Kongo centrale bazali na bokangemi o parquet pe bako zwa etumbu lya bango,na maye matali bokufi ya ndeko Olivier bino moko bomoni lolenge bako sambisa batu ena olibiso ya etando ike ndenge moko pe pona polusu eyi ebetaki masasi na likita mazalaki kotambola na ministre Gisaro,polusu ena bazali obo kangemi.
Gilbert Fundi
