Bamanyi batanu badibu basungule matuku mashale aa kudi komite wa disungula wa ditunga ne udi udikokesha (CENI) badi baleja bena tshikandakanda bipeta bia mudimu wabu wa dikonkonona dia malu a disungula mu dinda dia 22 ngondo muisatu mu nzubu wa dilala benyi wa Béatrice mu Kinshasa.
Luapolo elu ludi luleja ne: pa bantu bapite pa miliyo 47 badibu bafunde, bantu bapite pa miliyo 3 ne binunu 300 mbababushe mu liste. Nunku, bungi bua bana betu badi babuela mu tulasa tudi tuenda tuvula ebu mbukepe too ne ku 43 955 181. Mu bantu aba mudi bantu bapite pa 2 235 798 badi kabayi banji kubuela mu mudimu wa buambi ne bantu bakese batue ku 976 506.
Tshisumbu etshi, tshidi ne bujitu bua kukonkonona malu a manaya, tshivua ne bua kuakula bua imue ntatu ivua CENI mupete mu mudimu wa difundisha bantu ku mikanda uvua mutuadije mu dia 24 ngondo wa 12 wa tshidimu tshishale, bu mudi: dienza mudimu ne biamu ku ntuadijilu kua tshidimu tshia malu a tshididi, ne ntatu ya bintu bia muinshi mua buloba, kusangisha ne ntatu ya ngumu ya dishima.
Bua bipeta ebi, bidi bikengela kujadika ne: ndongoluelu wa disungula udi wa kueyemena, badi bambila bamanyi batanu ba CENI kunyima kua matuku makese a mudimu.
Bua mulombodi wa CENI Denis kadima wakadi usanka ne bipeta biakafila tshisumbu tshia balombodi ba malu a dienza dia disungula.
“Mudimu muimpe uvuabu benze mu tshikondo tshîpi menemene, kadi badi benza mudimu ne dimanya dia bungi ne difika diabu didi ditupesha dishindika dia ne: mikanda ya disungula idi milelela”, ke muvua mulombodi Denis Kadima muambe.
Tudi ne bua kumanya ne mudimu eu wakatuadija mu dia 15 ne kujika mu dia 22 mu ngondo eu kabidi bua kukumbaja tshipatshila tshinene tshia mudimu eu wa dikonkonona dia malu.
Shekinah Gloire Kabongo
