Lelu Wa dialumingu dia matuku dikumi ni isatu ngondo Wa tshimungu Wa mashika diba makumi abidi ni janjanja que muvua Mukalenge mukulu Wa tshibejibeji tshia éditorial7.net kabidi muikale kamuna kamba munene Wa ku tshisanji tshikulu tshia ditunga nantedi Gilbert Yulio Fundi uvua muela dimanyisha mu compte wende facebook bua mudiye ukeba mua kulombola tshisumbu tshia union nationale de la presse du Congo (UNPC) mu tshimenga tshia Kinshasa.
Mu mifunde yende Udi wamba ne UNPC udi ne bua kuikala tshiamua tshidi tshifila butoke ne udi muele patoke mubimu mubi kayi ni bipeta bipeta bilenga anyi bisheme bienza kudi mulombodi wa mpindieu Jean-Marie Kasamba mfumu wa televizion wa 50.
“Bamue bantu kabena bamanye ne: Tshibambalu tshia Unpc/Kinshasa tshidi ne bua kuikala butoke budi ne bua kukenkesha ditunga ku diambuluisha dia bulongolodi buimpe ne nzubu muimpe wa mu tshimenga, kadi bia dibungama, malu adi mulombodi JMK muenze katshia bamusungula bua musangu wa kumpala mu 2014 adi atusaka bua kuangata majitu etu. Munkatshi mua bidimu tshitema, Kinshasa udi ntshimue tshia ku bibambalu bidi kabiyi biende anyi tshia bulongolodi buakane to, ne kakuena tshimue tshia ku bitupa biende tshidi tshienza mudimu to, pa kumbusha anu mulombodi wende udi kayi nansha mu tshisumbu etshi to “.
Udi usakidila ne: “Mu tshikondo etshi, bisumbu bikuabu 13 bidi bienza mudimu ne bunême, ne balunda bimpe, bidi bienza malongesha a kuakaja muaba ne muaba bua diakalenga dia bamanyishi ne bidi ne miaba mimpe ya kuenzela mudimu, bu mudi mu Goma ku Nord Kivu, mu Bukavu ku Sud Kivu, mu Lubumbashi ku Haut-Katanga, mu Bunia mu Ituri, mu Matadi mu Kongo-Central, mu Mbuji Mayi mu Kasaï wa ku Ouest, mu Kananga mu Kasaï Central, Tshikapa mu Kasaï* ne bikuabu bia bungi, kakuyi kubala bisumbu bikese bionso bidi bienza midimu yabu dituku dionso. Kadi munkatshi mua bidimu tshitema (9) tshibejibeji etshi tshia mu Kinshasa tshivua anu tshimfuanyi tshiatshi nkayatshi ne tshivua ne muoyo anu mu bikandakanda“, ke mudi mfumu wa tshibejibeji etshi muambe7. Netshikale kabidi muntu udi ulomba bua kulombola UNPC.
*Bungi budi bupite bungi! * Tshikondo tshidi tshikumbane bua bena tshibejibeji ba mu Kinshasa kujuka ku tulu. Ke bualu kayi, ndi ndomba bua kuikala Mukokeshi wa tshimenga tshia Kinshasa ne ndi ndomba bua buobumue buikale bua kusungila Tshitupa etshi.
Kadi, mulombodi wa tshimenga tshia Kinshasa udi wamba ne: bidi bikengela kufila lungenyi lupia lupia ne kukumbaja mulayi udiye muambe bua “tshitupa tshia mfumu” ne bua bulongolodi bua mu tshimenga etshi. Lelu, Kinshasa udi muwule tente ne bikandakanda bia bantu nkayabu, bia ku Enternete, YouTube ne bikandakanda bia pa tshibidilu”
Kakuvua mandamuna ku nkonko ivuabu bebeje to, Gilbert Yulio uvua muimanyine wa ba kamuna kamba bonso ba mu Kinshasa ne ulomba mulombodi JMK bua kulekela mudimu wende Wa kumutu kua tshisumbu tshia UNPC mu meba makumi muanda mutekete ni ibidi ne udi ulaya bua kuenza malu onso bilondeshile mikenji ya bulongolodi ebu.
“Nkonko ya bungi ivua kayiyi mianji kupeta mandamuna. Mu dina dia tshibambalu tshia bikandakanda tshia mu Kinshasa, ndi ndomba mulombodi wa JMK bua kutuambila dimupingaja diende dia mudimu mu mêba 72 adi alonda, bienzabi nanku, ne tuangate bujitu buetu ne netuenze malu mu diumvuangana ne mikenji idi ilombola tshibambalu etshi”.
“Malu a dishima adi ne bua kujika, milayi ya dishima idi ne bua kujika diakamue. Mu nzubu mudi njiwu, bansonga badi ne mudimu muimpe wa kulongolola tshisumbu. Tshiena kabidi ne kansungasunga to“, ke tshiakamba muntu udi mua kulua mulombodi, uvua ne dijinga dia kushintulula malu mu UNPC ne kushintulula malu adibu bamba mu UNPC udi muule tente ne bamanyishi ba lumu luimpe ba bungi badi basombele mu Kinshasa.
Shekinah Gloire Kabongo
