Bakadi bonso , basangila bua kuela maweja tuasakidila bua mudimu muimpe musheme uvua Mukalenge munene , muntu Wa meyi ni mikandu muenze pakadiye ne moyo mu ditunga dia Congo.Bionso ebi bivua bienzeke Mu dituku dia kumpala dia ngondo muibidi 2024.
Etienne Tshisekedi udi mufue ne bidimu 84 mu tshimenga tshia Bruxelles, mu ditunga dia Belgique, uvua ne ngikadilu ya buena demokrasi, mvita ya ditalala, bukokeshi bua mikenji, buakane ne budikadidi.
Etienne Tshisekedi uvua muntu wa kumpala wa mu ditunga dia Congo uvua mulonge tulasa tua bumunganga ne uvua muangate dipangadika dia malu a tshididi katshia anu ku ntuadijilu kua ditunga dipiadipia dia Congo, uvua muntu uvua ubisha kondo ka muoyo ka bantu, muena tshididi wa mushinga mukole, ne uvua ne bukole bua kushintulula mmuenenu wa bantu.
Wakaluisha mishindu yonso ya dikokesha nkaya mu ditunga edi ne kujadika demokrasi mulelela.
Etienne Tshisekedi wakaleja patoke ne: uvua mushipe malanda ende ne bukokeshi bua Mobutu pavuaye mufunde mukanda uvua ne mabeji makumi atangu ni ibidi uvua bamfumu ba mbulamatadi dikumi ni isatu ba mu Zaïre bafundile Mfumu Mobutu mu 1980.
Mu mukanda eu bavua baleja muvua mbulamatadi wa dikosa dia mishiku ne wa dikosa dia malu ne mbulamatadi mubi wa tshikondo atshi. Pashishe wakenza tshisumbu tshiende tshia tshididi tshia Union pour la démocratie et le progrès social (UDPS).
Udi ne lumu mu mudimu wende. Etienne Tshisekedi wakadi Muambuluishi wa Mukokeshi munene wa malu a buakane, ministre wa malu a buakane, ministre wa malu a munda ya ditunga, ministre wa malu a dilongolola, muambi wa ditunga dia Maroc, wakadi musungula misangu ya bungi bu muena tshisangilu tshia ba-mfumu ba mbulamatadi, misangu inayi bu wa kumpala wa mbulamatadi, musangu umue musungula mu mpungilu wa bukalenga wa ditunga (mu dia 15/08/1992), mulombodi wa Air Congo (Air Zaïre) ne mulombodi munene wa Ecole nationale d’administration (ENDA).
Bionso ebi mushale kumanyia ne Bakamuela mu buloko, kumuipatabu mu midimu, ne kumukengeshabu mu mishindu yonso. Bidimu bibidi panyima pa lufu luende, tshisumbu tshiende tshia UDPS tshiakapingana ku bukokeshi ku diambuluisha dia muana wende Félix Tshisekedi.
Bantu bapita bungi , ni ba Mfumu ba ditunga bakadi badisangisha popamue ni diku dia Mfumu Wa ditunga dia Congo ki yeye Félix Tshisekedi bua kuvuluka muntu munene uvua muluangane bua kuakaja Malu a ditunga dia Congo.
Shekinah gloire kabongo
