Mulombodi wa malu a dimanyisha ne malu adibu bafunda, Patrick MUYAYA KATEMBWE ne Mulombodi wa malu a makanda a mubidi, mankenda ne disulakana, Doktere Samuel Roger KAMBA MULAMBA bakenza muyuki munene uvua ni tshia kumanyisha malu a luapolo bua kumanya Dienza dia mudimu wa «disunguila d dia bantu bonso kudi mbulamatadi bua bidi bitangila masama» bionso ebi bivua bienzeka mudimue dia matuku tshitema Wa ngongo Wa dikumi ewu ku tshisanji tshikulu tshia ditunga kunpala kua ba kamuna kamba bâ mu tshimenga tshia Kinshasa.
Doktere Samuel Roger Kamba wakakula bua mushindu udibu basungule bua kuenza mudimu ne programe wa Masanka a Buloba bujima ne mushindu udiwu mua kuambuluisha bantu.
Ministre wa malu a makanda a mubidi, mankenda ne disulakana wakaleja ne: ku diambuluisha dia programe wa Disulakana dia Bukua-Muaba, bantu bonso badi mua kupeta disulakana edi ne didi dibakumbanyina bantu bonso. Nunku, katuena ne bua kudipangisha bintu bia bungi bua kubipeta to.
“Ndi mvuluka muvua Mfumu wa ditunga muenze nanku diakamue pakatuadijaye mudimu wende. Ndi mvuluka muyuki wende wa kumpala, uvua wakula bua disama dia masama a mubidi bua bantu bonso ne bua disama dia mubidi bua bantu bonso. Mulombodi wa ditunga ki mmumanye ne: kudi bualu to, kadi mmulongolole diandamuna ku lukonko lua mushinga mukole elu lua malu a makanda a mubidi katshia ku ntuadijilu. Buibidi, patudi tuamba ne: “Mona mudibi”, tudi tuakula bua makanda etu a mubidi. Nunku, makanda a mubidi adi ne bua kuikala bukenji bua muntu yonso. Bikala bukenji kampanda buikale bushindamene pa mushindu wa makuta udi muntu nawu, mbualu bua diakalenga. Tshidi Mfumu wa ditunga musue ntshia se: makanda a mubidi kaatuikale kabidi diakalenga to, kadi adi ne bua kuikala bukenji”, ke mudiye muambe.
Doktere Samuel Roger Kamba udi ulonda ne: Disua dia mbulamatadi dia kufila malu a luondapu bua bantu bonso ki ndipangadika dia muntu nkayende to, kadi ndipangadika didibu ne bua kukumbaja. Wakamba ne: “Katuena mua kudiunda tuetu katuyi ne mushindu wa kulama bantu bonso bimpe to”.
Ministre wa Santé Publique, Hygiène et Prévention wakaleja kabidi disungula dia kutuadija ne tshitupa tshia kulela tshianana.
“Malu adi bena mu ditunga dia RDC bapete mu nsombelu mmashadile ku a mu matunga makuabu a mu Afrike. Padibu balela muana wa mu Congo, mbamanye ne: kakuikala ne muoyo matuku a bungi bu bena Afrike bakuabu to. Bana batu bafua kumpala kua dîba ne bamamu batu bafua padibu balela. Mu ditunga dia Congo, pa bantu 100000 badi balela, 480 badi bafua. Ne pa bantu 35 badi bafuma ku diledibua, umue udi ufua. Bualu ebu budi buleja mudi disama edi dikebesha masama a bungi. Bu mudi bualu ebu buambuluisha matuku etu a muoyo, Mfumu wa ditunga wakangata dipangadika dia kutuadija ne bualu ebu budi buambuluisha bua dikumbana dia tshipatshila tshietu, mbuena kuamba ne: mamu ne muanende”, yeye kumvuija.
Muakuidi wa mbulamatadi, Patrick MUYAYA KATEMBWE wakakula pende mu mushindu wa muomumue ne muena mudimu wende wa malu a luondapu, wakanyisha lungenyi lua Mfumu wa ditunga Félix Tshisekedi lua kuteka muntu kumpala kua bionso, nangananga malu a luondapu.
Udi wamba ne: “Buetu tuetu mbulamatadi, tshipatshila tshietu ntshia kupesha muena Kongo yonso mushindu wa kupeta luondapu lua mushinga mukumbanyine ne lua mushinga mukese”.
Shekinah gloire kabongo
