Nzoto ya elenge mobali moko ezwami na bomoi te na bosoto ya mabele mosantu ya Ritha na district ya Pumbu na commune ya Mont Ngafula, samedi oyo le 14 octobre.
Engebene bato oyo bakutaki na esika yango, elenge mobali oyo ya mbula soki ntuku mibale bakataki ye mpe babwakaki ye na esika oyo tolobeli awa na likoló.
Na mituna na likambo oyo, Josh Glory keba, mofandi ya kartye, ayebisaki biso ete kala mingi te nzoto mosusu oyo ezangi bomoi ebwakama kaka liboso ya biro ya bapolisi na ekuke ya Kimwenza.
“Oyo ezali mbala ya mibale na sanza oyo namona lolenge wana ya makambo oyo ekokani. Mbala mingi tozalaki kofanda na kimia na kartye na biso kasi sikawa tozali koyoka mpenza kozanga libateli. Kulunas mpe kobuka ndako ezali nionso kanda mpe police esalaka eloko te mpo na ko securiser biso,” abakisi Josh Glory keba.
Lokola bayebi te nzela nini basengeli kobalukela, bavandi ya engumba Pumbu babandi kolela ya mpasi epai ya bakonzi oyo bazali na makoki.Na nsuka, tika kimia ezonga na coin oyo.
Caleb Makonda
