Patrick Muyaya, ministre wa malu a kumanyishangana ne a bikandakanda wakenza muyuki ne bena tshikandakanda mu dinda dia mudiemue emu dia matuku muanda mukulu ngondo muitanu tshidimi tshia binunu bidi ni makumi abidi ni isatu bua mushindu wa kuakula bua njiwu ya Kalehe: malu avua mifikishe ku njiwu eyi, dibala dia dinyanguka dia bintu, malu adi mbulamatadi muenze ne malu adibu benze bua kuambuluisha bantu badi bakenga kuluseka eku kua kaleshe .
Patrick Muyaya wakabanga kuakula bua bualu bubi bua dikenga dia bukua bantu divua dishipeshe bena mu ditunga diabu ba bungi. Bilondeshile ministre wa malu a diumvuangana ne a bikandakanda, bantu 401 ba mu ditunga dietu mbafue, bakuabu ba bungi mbajimine, nzubu, tulasa ne miaba ya luondapu mmibutuke.
Patrick Muyaya wakaleja mudibi ne mushinga bua kuikala mu buobumue mu tshikondo tshia dikenga edi ne kuikala ne luse ne didisangisha ne bantu bavua bapete ntatu.
Bua nsombelu wa tshianana eu, muakuidi wa mbulamatadi wakaleja bukole bua Kinshasa bua kuenza malu. Bipangu bia mbulamatadi bidi biye muaba udi mâyi a bungi masokome bidi bileja ne: mbulamatadi wa mu Congo udi ulombola tshilumbu etshi bimpe.
Wakamba ne: “Bukalenge nebuenze tshionso tshidibu mua kuenza bua kupita bimpe ne lutatu elu ne kuambuluisha bena ditunga dietu badi mu lutatu”.
Patrick Muyaya udi ulonda, umanyisha ne mbulamatadi wa ditunga dia Congo udi ulongolola, ku diambuluisha dia tshisumbu tshia bantu badibu batume muaba au, bua kujika bena ditunga badi bafue. Mu tshikondo atshi, bantu ba bungi badibu bakuate badi baya ku nzubu ya luondapu.
Mulombodi wa malu a kumanyishangana ne a bikandakanda wakavuluija ne: bavua bele kanyinganyinga ka ditunga dijima mu Ditanu dia 8 ngondo muitanu mu ditunga dijima dia ditunga dia congo ne bendera ya ditunga idi muinshi. Bakenza misa bilondeshile dilomba dia mulombodi wa bena mu Sénat bua kuvuluka bantu bavua bafue mu mâyi a Kalehe.
“Tudi ne bua kunemeka bena mu ditunga dietu bavua bafue bua anyima yabu. Kudi misa uvuabu benze mu Kinshasa bua kuleja ne: tudi bonso pamue”.
Shekinah Gloire kabongo
