Patrick Muyaya, ministre wa malu a kumanyishangana ne a bikandakanda, uvua muakidila pastere Pierre Kyungu wa Ilunga, muleji mpala wa mudimu wa Evanjeliyo wa Ba-Muvuni ba Mukelenge, Ekeleziya wa mu Lubumbashi mu Katanga.Mulombodi wa bikandakanda, ministre Muyaya wakateleja ne ntema yonso malu avua muntu wa Nzambi eu wamba.Pastere Pierre wakambila ministre malu adi enzeka mu bikandakanda biende.
Bushuwa, tshisanji tshia tshitendelelu tshia Les Moissonneurs du Seigneur tshidi tshipatula mu Lubumbashi ne tshidi tshijinga kukuna mâyi mu Katanga mujima. Bua kuenza nunku, bidi bikengela kukumbaja amue malu. Ke bualu kayi wakaya ku tshina bua kumanya malu avuabu ne bua kukumbaja.
« Tudi balue bua kumona Mulombodi wa Tshisumbu tshia bamanyishi ne bamanyishi bua kuyukila bualu yeye ke udi utangila bamanyishi mu ditunga dia République démocratique du Congo. Tuakamulomba bua atuambuluishe mu malu a biamu, bua kumanya mua kujadika njila wetu ne tshia kuenza. Tuakenza kabidi mudimu ne mpunga eu bua kulomba mibelu ya bungi pa bidi bitangila tshibejibeji tshietu. Bakatuakidila bimpe ne tuetu kumbuka ne disanka bua mmuenenu wa ministre« .
Pastere Kyungu uvua ne bantu bakuabu babidi ba Nzambi, Pastere Bienvenu Matenda ne Pastere Buanerge Kaseke wa mu Kinshasa.
Bantu basatu bavua balue kudi ministre bakangata mpunga eu bua kumuambilabu malu abu. Bakayukila kabidi bua dishintuluka dia miyuki, mukenji wa Muyaya ne malu onso adi atangila tshibambalu tshia bikandakanda.
Bakalua kumona kabidi mushindu udi bena Kristo ne bua kuenzela ditunga ne ekeleziya mudimu.
Padibu benda babanya tshisanji etshi mu tshimenga tshijima tshia Katanga, bena Kristo ba bungi nebikale mua kulonda diyisha dia ne: Nzambi udi wakula ku diambuluisha dia EMSTV.
Shekinah Gloire Kabongo
