Mu mpungilu wa malu a mpetu a ditunga dia Congo wa mungalata ne ditunga dia Chine, Afrike (FOCAC), mpungilu mukese wa malu a mpetu mu tshimenga tshia Kinshasa uvua muenzeke mu dia matuku asatu aa ku ambasade wa ditunga dia Congo mu ditunga dia Chine.
Tshikondo atshi, mfumu wa tshimenga Daniel Bumba Lubaki uvua ne bua kuakula bua malu adi akengela kuenza ne lukasa mu tshimenga tshia Kinshasa mu malu a bungi bu mudi: malu a nzembu, madimi, malu a nshindamenu, malu a Enternete, disukula mâyi, njila, ngendu, luendu ne bungenda mushinga.
Ngovena wa Kinshasa wakaleja mudi malu aa mushinga pakelaye babikidi ba makuta dîyi bua kuangata Kinshasa bu muaba muimpe wa kuenzela midimu yabu.
Netushale nenu misangu yonso ne netuikale nenu mu dikumbaja dia bipatshila bienu bua bansonga badi ne bujitu budi ditunga dia Congo nadi dijinga. udiye wamba.
Mu mushindu wa muomumue, Daniel Bumba Lubaki udi ulaya bua kuenza muende muonso bua kujadika nsombelu muimpe wa malu a bungenda, bualu ebu budi ne mushinga wa bungi bua kulengeja nsombelu wa bena mu Kinshasa ne kudiundisha tshimenga tshiabu.
Dibikila edi kudi bamanyi ba malu a mfranga didi dienza bua kushintulula tshimenga tshikulu tshia ditunga dia Congo bua tshikale muaba wa malu a mpetu, dileja miaba ya bungi idibu mua kuenza mudimu.
Kabongo gloire
