Mudia matuku dikumi ni umue ngondo wa tshimungu wa machika, mu diba dia mulolo tusunsa makuni isatu ni itangu bena mu Tshibambalu tshia bakulumpe ba mabala ba mu ditunga dia Congo wa mungalata bakenza masungula bua kusungula bena ku bilo biabu bia ndekelu. Pakasungulabu Pascal Omana Bitika bu mukebuludi muibidi.
Muena mu tshisumbu tshia badibu babikila ne: « Union Sacrée de la Nation » (Tshisamba tshia tshijila tshia ditunga) ne muikale muena mu tshisumbu tshia UDPS uvua mutumina mulombodi mupiamupia ewu mêyi a disanka bua disungula diende.
« Muanetu Mulombodi, Mu dîna dia bena mu « Union Sacrée de la Nation » (USN) bonso ne nangananga dia Tshibambalu esthi ndi musue kukuela tuasakidila ne muoyo mujima bua mushindu udibu bakusungule bua kuikala Muambuluishi wa mukebuludi wa Tshisumbu tshia bakulumpe ba mabala, nzubu muibidi wa Parlema wetu. » Ke muvua André Mbata muambe mu mêyi avuaye muambile bena ku bisanji.
André Mbata musue bua muntu eu apete diakalenga mudikuata diende Dia midimu, wakamulomba bua kuenzaye mudimu bua diakalenga dia ditunga, mu ndi nemeka mikanda wa tshipungidi tshia Union sacrée uvua mumuambuluishe bua bamusungule.
« Ndi musue bua wikale ne diakalengele mu mudimu webe, ne ndi musue bua wikale wenza mudimu webe mupiamupia mu diumvuangana mu malu onso a kuambilabu ni unemeka Malu étu a mu mikanda , Kabidi ni kunemeka mikenji mu diakalenga dia ditunga dietu ushala ne lulamatu kudi Mfumu Félix-Antoine Tshisekedi Tshilombo, Mfumu wa ditunga,ni Mulombodi Munene wa malu a tshididi mu Bulongolodi bua tshijila tshia ditunga, mubidi bitangila malu a tshididi, muudi musungudibue.»
Tushala kumanye ne ,Bilondeshele masungula aa Jean Michel SAMA LUKONDE, mupatuka mfumu wa kumpala wa bena kasumbu Aka ka Sena bamulondele kudi José Kalala ,Modeste Bahati, mulombodi muibidi , Néfertiti Ngudianza mu mufundi, muambuluishi wa mufundi, Taupin Kabongo bu mukebuludi, ne Pascal Omana Bitika bu mukebuludi muibidi.
Gloire Kabongo
