Tshisangilu tshia mulombodi wa malu a ngumu ne muleji mpala wa UNFPA mu RDC: Dibikila bua kufila makuta mu bansonga ne kuakaja mushindu wa kulama makanda a mubidi

mfumu wa malu a ngumu ne bikandakanda Patrick Muyaya wakapetangana ne Mady Biaye, muleji-mpala wa UNFPA mu ditunga dia Congo wa ngalata mu dinda dia matuku asatu ngondo udi panshi ewu bua kuyukila pa malu adi afumina ku dikebulula dia bantu dikadi dienzeke matuku mashale aa ne mushinga udi nawu dibueja makuta d makuta mu Malu Adi atangila bansonga. 

Mu tshisangilu etshi, Mady Biaye wakaleja dijinga didibu kabayi bakumbaje Kudi mbulamatadi wa ditunga Dia Congo bua dilama mêku mu tshitupa etshi.

 Wakamba ne: « balela ba bungi ne bantu badi basue kuepuka difu kadi kabatu ne mushindu wa kupeta malu adi akengela to.Bana kabena ne bua kulela bana to  » , ke tshiakambaye, ne kuimanyina pa mushindu wa kuimanyika mafu mu bansonga bua kuluisha bupele.

 

Bakakula kabidi bua malu a bungi adi atatshisha ditunga : bumudi bantu miliyo batua ku inayi badi baledibua ku tshidimu tshionso mu ditunga dia RDC, bantu bapite pa 20 pa lukama ba nsongakaji batshidi bansonga.

Mady Biaye wakamba ne: bua ditunga kulubuluka, mbimpe bansongakaji bikale ne bukole bua kuenza malu adibu mua kukokesha ne kuenza malu mimpe mu nsombelu wa bantu.

Mady Biaye wakaleja kabidi mudi UNFPA utamba kuimanyina pa malu adi atangila bansonga, nangananga mu programe wa dilongolola mêku.

Wakamba ne:  » ditunga dia RDC didi ne bansonga ba bungi, didi ne bua kuimanyina pa bansonga bua kufilabu bintu bia bungi mu malu adi enzeka mu ditunga. Kuikala mamu anyi tatu kudi kumvuija kuikala ne bujitu. »

Udi wamba ne: « katuena mua kulela bana bua kupesha njila anyi mbulamatadi bujitu to. bansonga badi ne bukole bua kuela meji ne bua kuambula bujitu bua bana babu, kadi bansonga kabena ne bukole bua kuambula bujitu ebu to, bualu ebu budi bufikisha ku ntatu ya bungi. « 

Muena-mpala wa UNFPA wakaleja kabidi dijinga dia kulengeja mushindu udibu balama bana mu nzubu ya bamamu bua kukepesha lufu lua bamamu ne bana.

Wakalomba bantu bonso bua kudisuika bua kusungila mioyo ya bantu, kuambaye ne: nansha mudi bantu bakaji ba bungi badi ne mafu balua ku nzubu ya baminganga ne balela bana babu, bungi bua bantu badi bafua mu tshikondo tshia diledibua budi anu buenda buvula bualu malu adibu balonga ki mmakumbane to.

Mady Biaye wakajikija wamba ne: tulasa tua malu a luondapu katuena ne bua kulua nzubu ya bafue to, ne mushindu utudi tutabalela bantu udi upetangana ne kondo ketu ka muoyo.

Mulombodi Patrick Muyaya ne Mady Biaye bakitaba ne: bivua bikengela kuenza malu ne lukasa bua kutantamena ntatu eyi ne kupesha bansonga ba mu Congo nsombelu muimpe wa matuku atshilualua.

Shekinah gloire Kabongo

La Rédaction