Mu dia Matuku dikumi ni muanda mutekete dia ngondo wa tshiteme, ministre wa malu a ngumu Patrick Muyaya, udi ulomba bena Kongre bua kuluangana bua kulombola mudimu wa bamanyishi mu ditunga dia Congo biakane. Mfumu wa malu a dimanyisha wakabikidisha bemanyishi bonso bua kuenza mudimu muimpe bua kuakula bua mushindu muimpe wa kuenza mudimu wa dipatula mikanda mu Congo-Kinshasa.
Mu muyuki wende kumpala kua bamfumu ba mbulamatadi ne ba bampulushi, ne bafundi ba bikandakanda, ministre wa malu a ngumu wakakula bua mudimu munene udi nawu bafundi ba bikandakanda bua kuakaja nsombelu wa ditunga dia RD Congo.
« Ku diambuluisha dia malu adibu bafunda mu bikandakanda, tudi mua kupingaja malu a kale mu bianza bietu, ne nuenu nudi mua kupingana mu mudimu wenu wa difunda malu a kale a lelu. Ke tshikondo tshia nuenu kuenza mudimu wenu wa butoke bua bantu », ke muvua Patrick Muyaya muambile bamanyishi ba mpungilu eu.
Ngamba-malu wa mbulamatadi wakanyisha mushindu uvua Mfumu wa ditunga ulonda ngenyi ya mu bikandakanda. « Padiye uteleja bimanyishilu bia malu a mu bikandakanda, udi uleja dituku dionso ne bienzedi biende ne: demokrasi udi ne muoyo mu Afrike.
Etshi ntshilejilu tshidi bena mu ditunga edi ne bena mu matunga makuabu mua kulonda. Mu lungenyi elu ke mudi mfumu wa mbulamatadi utungunuka ne kutulongesha », ke mudi mfumu wa tshibambalu tshia malu a ngumu tshia Congo wamba.
Katupa kîpi kumpala kua muyuki eu, mulombodi wa tshitupa tshîpi wa UNPC wakela kalumbandi bua dikuatshisha ne buludiki bua Muena-mpala Muyaya mu dienza dia bisangilu ebi, bidiye umona bu amue malu adibu balombe kudi bena-mpuilu.
Badi babikila mpungilu eu ne: « Kongrese wa Disanka ne Dibishibua ku lufu ». Bisangilu ebi bia matuku asatu nebisake bamanyishi ba malu a mu mpungilu eu bua kuenza komite mupiamupia bua kulombola tshibambalu etshi.
KBG
